បាត់ដំបង៖ យុវតីវ័យក្មេង ឌី សៀវអ៊ី បានស្ម័គ្រចិត្តចំណាយពេលវេលាផ្ទាល់ខ្លួនរាល់ល្ងាចបង្រៀនអក្សរដល់ក្មេងតាមផ្ទះក្នុងសហគមន៍របស់ខ្លួន។

មានលំនៅនៅភូមិស្រែអូរ ឃុំកកោះ ស្រុកមោងឫស្សី ខេត្តបាត់ដំបង យុវតីរូបឆោមស្រស់សោភារូបនេះឱ្យដឹងថា បើទោះបីជាការបង្រៀនជួបការលំបាកខ្លះៗក្តីតែងនាងសប្បាយចិត្ត ព្រោះការបង្រៀនជាចំណង់ចំណូលចិត្តរបស់ខ្លួន។

មានសម្បុរសណ្តែកបាយ សក់ស្លូតត្រង់ខ្មៅរលោង យុវតីវ័យទើប ១៤ ឆ្នាំរូបនេះ មានមហិច្ឆតាចង់ឃើញកុមារក្នុងសហគមន៍មានចំណេះដឹងគ្រប់ៗគ្នា ក្លាយជាសសរទ្រូងកសាងសហគមន៍និងប្រទេសជាតិ។

បើទោះបីជាខ្លួនទើបតែសិក្សាបានថ្នាក់ទី ៩ យ៉ាងណាក្តី​តែការបង្រៀនមេរៀនថ្នាក់ទី២ ទៅកុមារមិនមែនជាឧបសគ្គសម្រាប់នាងឡើយ ព្រោះមានការលើកទឹកចិត្តពីក្រុមគ្រួសារខ្លួន និងឳពុកម្តាយរបស់ក្មេងៗ៕

អត្ថបទខ្លីសរសេរដោយ រឿប ស្រីម៉េត យុវជនខេត្តបាត់ដំបង ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មាន ស្រ្តីកម្ពុជា(WMC) ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់ (DW)។​

The post យុវតី ឌី សៀវអ៊ី ស្ម័គ្រចិត្តបង្រៀនក្មេងៗតាមផ្ទះចង់ឃើញកុមារក្នុងសហគមន៍មានអនាគតល្អ appeared first on WMC.

សម្ដេចនាយករដ្ឋមន្ត្រី បានបន្តប្រតិកម្មដាក់ក្រុមប្រឆាំងដែលវាយប្រហារលើរាជរដ្ឋា ភិបាល ក្នុងការ​ស្ដារ​សេដ្ឋកិច្ច និងជួយទ្រទ្រង់ជីវភាពរបស់ប្រជាពលរដ្ឋ អំឡុងសម័យការរាតត្បាតជំងឺកូវិដដោយបាន​ច្រានចោល ការវាយប្រហារថារាជរដ្ឋាភិបាលនឹងរំលំដោយវិបត្តិសេដ្ឋកិច្ចដោយខ្វះលុយបើក​អោយ​មន្ត្រីរាជការ។​

លោក​ឡាក់ច័ន្ទតារារាយការណ៍៖

ថ្លែងនៅក្នុងពិធីមួយនៅ ខេត្តព្រៃវែងកាលពីព្រឹកថ្ងៃអង្គារទី១៤កក្កដា  សម្ដេចនាយករដ្ឋមន្ត្រីប្រ​តិកម្ម​បុរសម្នាក់​នៅខេត្តបន្ទាយមានជ័យ ដែលបុរសនេះនិយាយថា ជំនួយសហភាពអឺរ៉ុបបានធ្វើរាជរដ្ឋា​ប្រើ​ប្រាស់ជំនួយសម្រាប់ជួយពលរដ្ឋក្រីក្រដោយសារកូវិដ។ សម្ដេចហ៊ុនសែន ក៏បានច្រឡោតខឹងដាក់​បុរស​នេះ​ ដែលសម្ដេចហៅឈ្មោះថា ជ័យរដ្សុធី នៅខេត្តបន្ទាយមានជ័យ។ តែសម្ដេចអះអាង​ថារាជ​រដ្ឋាភិ​បាល បានបាត់កាត់ប្រាក់ខែមន្ត្រីរាជការឬបើកប្រាក់​ខែយឺយយ៉ាង​វនោះ​ទេ។សម្តេចតេជោ ហ៊ុន សែន បានមានប្រសាសន៍បន្តថា ជំងឺកូវីដ-១៩ អាចបំផ្លាញប្រជាពលរដ្ឋកម្ពុជា តែមិនអាចធ្វើឱ្យប្រជាយពលរដ្ឋកម្ពុជាដាច់បាយបាននោះឡើយ ព្រោះជីបចរសេដ្ឋកិច្ចរបស់កម្ពុជា មិនមែនពាក់សុទ្ធសាធទៅលើវិស័យសេវា ទេសចរណ៍ សេវាដឹកជញ្ជូនផ្លូវអាកាស ផ្លូវទឹក ឬផ្លូវគោកនោះទេ ហើយកម្ពុជា ក៏មិនមែនពឹងពាក់តែលើឧស្សាហកម្មមួយមុខណានោះដែរ។ ជំងឺកូវីដ១៩ បានធ្វើឱ្យមានការផ្លាស់ប្តូរឥរិយាបថរស់នៅរបស់ប្រជាពលរដ្ឋមិនត្រឹមតែស្រុកខ្មែរនោះទេ គឺលើពិភពលោកតែម្តង។

សម្តេចតេជោ ហ៊ុន សែន បានថ្លែងថា ជំងឺកូវីដ១៩ ប៉ះពាល់គ្រប់ប្រទេសទាំងប្រទេសអ្នកមាន និងអ្នកក្រ។ ញ្ហាកូវីដ១៩ បានធ្វើឱ្យវិស័យឧស្សាហកម្មលើពិភពលោកប៉ះពាល់ជាងក

——————-សំឡេងសម្ដេចហ៊ុនសែន—-

សម្តេច ហ៊ុន សែន អះអាងបន្តថា ជំងឺកូវីដ-១៩ អាចបំផ្លាញប្រជាពលរដ្ឋកម្ពុជា តែមិនអាចធ្វើឱ្យប្រជាយពលរដ្ឋកម្ពុជាដាច់បាយបាននោះឡើយ ព្រោះជីបចរសេដ្ឋកិច្ចរបស់កម្ពុជា ​មិនមែនពាក់សុទ្ធសាធទៅលើវិស័យសេវា ទេសចរណ៍ សេវាដឹកជញ្ជូនផ្លូវអាកាស ផ្លូវទឹក ឬផ្លូវគោកនោះទេ ហើយកម្ពុជា ក៏មិនមែនពឹងពាក់តែលើឧស្សាហកម្មមួយមុខណានោះដែរ។ ជំងឺកូវីដ១៩ បានធ្វើឱ្យមានការផ្លាស់ប្តូរឥរិយាបថរស់នៅរបស់ប្រជាពលរដ្ឋមិនត្រឹមតែស្រុកខ្មែរនោះទេ គឺលើពិភពលោកតែម្តង។

ក្នុងអំឡុង កូវិដ រាជរដ្ឋាភិបាលបានសម្រេចបញ្ចេញកញ្ចប់ថវិកា ច្រើនរយលានដុល្លារ ជួយដល់វស័យឯកជន ទាំងវិស័យកាត់ដេរ និងធនាគារ។ ក្នុងនោះ រាជរដ្ឋាភិបាលប្រកាសដាក់ចេញនួវកញ្ចប់ថវិកាសម្រាប់សង្គមកិច្ច ជិត២៥លានដុល្លារក្នុងមួយខែជួយដល់ពលរដ្ឋកម្ពុជា ជិត៦០ម៉ឺនគ្រួសារ។ នៅក្នុងអំឡុងកូវិស  សហភាពអឺរ៉ុប និង សហរដ្ឋអាមេរិក ជប៉ុន ចិន និងប្រទេស​ផ្សេងៗទៀត ក៏បានផ្ដល់ជំនួយរាបសិបលានដុល្លារអោយកម្ពុជាដើម្បីជួយកម្ពុជា ទប់វិបត្តិសេដ្ឋកិច្ច។ តែយ៉ាងណា ក្រុមប្រឆាំងដែលដឹកនាំដោយលោកសមរង្ស៊ីតែងតែ រិះគន់មកលើរាជរដ្ឋាភិបាល ថាមិនបានជួយប្រជាជនក្រីក្រទាន់ពេលវេលា​និងមានតម្លភាពនោះទេ។ តែសម្រាប់សម្ដេចនាយករដ្ឋមន្ត្រីបានច្រាន ចោលរបស់ក្រុមប្រឆាំងដែលថាខ្វះឆន្ទៈជួយពលរដ្ឋក្រីក្រ៕  

The post សម្ដេចហ៊ុនសែនប្រតិកម្មនឹងក្រុមប្រឆាំងថារាជរដ្ឋាភិបាលនឹងរំលំដោយសារកូវីដទើបកាត់ប្រាក់​ខែមន្ត្រីរា​ជការ appeared first on WMC.

ខណៈមានការរិះគន់ជាខ្លាំងពីសំណាក់ក្រុមប្រឆាំង ចំពោះការបាញ់សម្លាប់លោកបណ្ឌិតកែមឡី និងអ្នកល្បីៗច្រើន ដែលក្រុមប្រឆាំងថា ពុំដែលរកឃើញឃាតករមកកាត់ទោស   ។ ជាការឆ្លើយតប សម្ដេចនាយក រដ្ឋមន្ត្រីក៏បានលើកឡើងអំពីការបាញ់សម្លាប់ ប្អូនថ្លៃម្នាក់របស់សម្ដេច​​និងរូបលោករងការវាយប្រហារមួយនៅខេត្តសៀមរាបនៅឆ្នាំ១៩៩៨ ។ សម្ដេចថាឯណា​​ទៅយុត្តិធម៌ សម្រាប់ប្អូនថ្លៃរបស់លោកនិងរូបលោកផ្ទាល?

កញ្ញា នឿនស្រីណុច ជូនសេចក្ដីរាយការណ៍៖

នៅក្នុងពិធីមួយជាសាធារណៈ នៅខេត្តព្រៃវែង កាលពីព្រឹកថ្ងៃអង្គារទី១៤កក្កដា  សម្ដេចនាយករដ្ឋ មន្ត្រីបាន ថ្លែងថា ឯណាទៅយុត្តិធម៌សម្រាប់ប្អូនថ្ងៃម្នាក់របស់ លោកដែលខ្មាន់កាំភ្លើងបាញ់សម្លាប់នៅឆ្នាំ១៩៩៦នៅកណ្ដាលក្រុង និងឯណាទៅយុត្តិធម៌សម្រាប់រូបលោកដែលរងការវាយប្រហារកាលពីឆ្នាំ១៩៩៨។

សំឡេង ហ៊ុនសែន -02-

សម្ដេចនាយករដ្ឋមន្ត្រី បានថ្លែងដូចនេះ ទំនងជាការឆ្លើយតប នឹងក្រុមប្រឆាំង ដែលបានរិះគន់លើ ប្រព័ន្ធតុលាការកម្ពុជា និងអាជ្ញាធរកម្ពុជា ដែលក្រុមប្រឆាំងថា មិនដែលស្វែងរកឃាតករពិតមកកាត់ទោស បានឡើយ ។​ ស្របពេលនេះ ក្រុមប្រឆាំង នៅក្រៅប្រទេស ដឹកនាំដោយលោកសមរង្ស៊ី បានកំពុងបើកយុទ្ធនាការមួយដែលហៅថាយុទ្ធនាការបញ្ចប់និទណ្ឌភាពនៅកម្ពុជាដោយត្រូវតែផ្ដល់យុត្តិធម៌សម្រាប់ជនរងគ្រោះ។ ក្រុមប្រឆាំងនេះ​បានលើកឈ្មោះជនរងគ្រោះ មានដូចជាលោកបណ្ឌិតកែមឡី លោកឈូកវុធី លោកជាវិជ្ជា អ្នកស្រីពិសិដ្ឋពិលិកា និងអ្នកកាសែតឃឹមសំបូរជាដើម។ ក្រុមប្រឆាំងថាអ្នកទាំងនេះស្លាប់ ដោយអយុត្តិធម៌ គឺសូម្បី ស្រមោលយិត្តិធម៌មិនដឹងជានៅឯណា នោះទេ។

កាលពីថ្ងៃទី២៤ ខែកញ្ញា ឆ្នាំ១៩៩៨ មានករណីបាញ់គ្រាប់រ៉ុក្កែត B-40 មួយគ្រាប់ក្នុងចំណោម៤គ្រាប់ហោះសំដៅរថយន្តប្រតិភូក្នុងមានប្រតិភូគណបក្សប្រជាជនកម្ពុជា ដឹកនាំដោយសម្ដេចហ៊ុនសែន  អំឡុងពេលទៅចូលរួមប្រជុំនៅព្រះរាជដំណាក់ នាទីក្រុងសៀមរាប ក្រោមព្រះរាជអធិបតីភាព សម្តេចព្រះ នរោត្តម សីហនុ។ តែគ្រាប់បេនោះ មិនបានត្រូវរថយន្តសម្តេចទេ ។

តែយ៉ាងណា សម្ដេចនាយករដ្ឋមន្ត្រី បានអហោសិកម្មឱ្យអ្នកដែលចង់សម្លាប់សម្តេចនៅខេត្តសៀមរាបរួចហើយ បើទោះជាសម្តេចមានពន្លឺក្នុងការស្រាវជ្រាវក៏ដោយ។ ប៉ុន្តែសម្តេចអះអាង ថា៖ « អ្នកត្រូវដឹងថា ពេលណាខ្ញុំនៅកាន់តំណែងជានាយករដ្ឋមន្ត្រី ខ្ញុំមិនឱ្យពួកអ្នកសម្លាប់ខ្ញុំបានទេ។ មិនឱ្យពួកអ្នកធ្វើរដ្ឋប្រហារឬធ្វើបដិវត្តពណ៍បានទេ៕

The post សម្ដេចហ៊ុនសែនថាឯណាទៅយុត្តិធម៌សមម្រាប់ប្អូនថ្លៃលោកនិងរូបលោករងការវាយប្រហារឆ្នាំ១៩៩៨ appeared first on WMC.

កំពង់ធំ៖ ប្រជាពលរដ្ឋឃុំឈូកខ្សាច់បានលើកក្តីកង្វល់ដែលកំពុងកើតមានក្នុងសហ គមន៍ចំនួនបីចំណុច បង្ហាញដល់អាជ្ញាធរឃុំជួយដោះស្រាយដើម្បីសម្រួលដល់ជីវភាពកាន់តែល្អប្រសើរ។

បញ្ហាទី១៖ ស្នើដល់អាជ្ញាធរឃុំជួយបើកផ្លូវចាស់ក្នុងឃុំឱ្យពលរដ្ឋអាចធ្វើដំណើរបាន បើទោះបីអាជ្ញាធរបានធ្វើផ្លូវថ្មីជូនពលរដ្ឋក្តី។ ទី២៖ ស្នើដល់អាជ្ញាធរជួយជួសជុលផ្លូវក្នុងឃុំឱ្យបានស្អាតល្អ កុំឱ្យមានកន្លុកពិបាកធ្វើដំណើរ។និងចុងក្រោយគឺសុំឱ្យអាជ្ញាធរជួយអន្តរាគមន៍ដល់រថយន្តដឹកដី ដែលសព្វថ្ងៃបើកបរបង្កឱ្យមានដីហុយលើផ្ទះប្រជាជនពលរដ្ឋ និងពេលខ្លះឡានដីទាំងនោះបើកបរលឿនហួសហេតុដែលអាចបង្កគ្រោះថ្នាក់ចរាចរណ៍។

ការស្នើនេះ ធ្វើឡើងក្នុងកិច្ចប្រជុំមួយកាលពីដើមខែកក្តដាដែលដឹកនាំដោយអ្នកស្រី នង សី ក្រុមប្រឹក្សាឃុំឈូកខ្សាច់ និងមានការចូលរួមពីក្រុមយុវជន ក្រុមស្រ្តីឃុំបារាយណ៍ ព្រមជាមួយប្រជាពលរដ្ឋឃុំឈូកខ្សាច់សរុបជាង៤០នាក់។

ក្រុមប្រឹក្សាឃុំឈូកខ្សាច់បានសន្យាយកសំណើររបស់ប្រជាពលរដ្ឋជូនដល់ថ្នាក់ដឹកនាំដើម្បីជួយដោះស្រាយ និងស្វែងរកអង្គការដៃគូរជួយផងដែរ៕

អត្ថបទខ្លីសរសេរដោយ សេង សុភ័ក្ត្រ យុវជនខេត្តកំពង់ធំ ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មានស្រ្តីកម្ពុជា(WMC) ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់(DW)។

The post កំពង់ធំ៖ពលរដ្ឋឃុំឈូកខ្សាច់លើកបញ្ហាបីចំណុចឱ្យអាជ្ញាធរមូលដ្ឋាន ជួយដោះស្រាយ appeared first on WMC.

កំពង់ធំ៖ អាជ្ញាធរពាក់ព័ន្ធ សមត្ថកិច្ច និងប្រជាពលរដ្ឋឃុំបារាយណ៍នៅព្រឹកថ្ងៃទី១៥ ខែកក្ដដា ឆ្នាំ២០២០ នេះ បានបើកកិច្ចប្រជុំមួយពិភាក្សាដាក់ចេញនូវយុទ្ធសាស្រ្តទប់ស្កាត់បញ្ហាគ្រឿងញៀនក្នុងសហគមន៍ឱ្យកាន់តែមានប្រសិទ្ធភាព។

កិច្ចប្រជុំដែលដឹកនាំដោយលោក ឈ ដារ៉ា ​អនុប្រធាន​មន្ទីរ​ទំនាក់ទំនង​ព្រឹទ្ធសភា រដ្ឋសភា និងអធិការកិច្ចខេត្ត​កំពង់ធំ​នេះ មាន​​ការ​ចុះ​ផ្សព្វផ្សាយ​ណែនាំ​ដល់​ប្រជាពលរដ្ឋ​អោយ​យល់​ដឹង​ពី​ច្បាប់​ពាក់ព័ន្ធ​ពី​ការ​ត្រួតពិនិត្យ​គ្រឿងញៀន និង​ផល់​ប៉ះពាល់​នៃ​ការ​ប្រើប្រាស់​គ្រឿងញៀន។

ក្នុងកិច្ចប្រជុំផ្សព្វផ្សាយនេះដែរ មានកម្រងសំនួរមួយចំនួនចែកជូនឱ្យអ្នកចូលរួមធ្វើការសាកល្បងឆ្លើយតាមការយល់ដឹង​ និងបើកឱកាសឱ្យអ្នកចូលរួមសួរនូវអ្វីដែលមិនច្បាស់ មិនយល់ និងសំណូមពររបស់ប្រជាពលរដ្ឋផងដែរ។

នៅក្នុងកិច្ចប្រជុំនោះដែល អ្នកចូលរួមដែលជាសមត្ថកិច្ច និងអាជ្ញាធរមូលដ្ឋានមួយចំនួនបានលើកឡើងពីបញ្ហាអសកម្មខ្លះៗដែលកើតមាននៅក្នុងមូលដ្ឋាន ដូចជា បញ្ហាក្មេងទំនើង បញ្ហាចរាចរថ្នាំញៀន ដែលត្រូវរួមគ្នាទប់ស្កាត់ឱ្យបានទាន់ពេលវេលា។

លោក ឈ ដារ៉ា អំពាវនាវដល់អ្នកចូលរួមទាំងអស់ត្រូវយកចិត្តទុកដាក់ និងតាមដាននៅតាមមូលដ្ឋានសហគមន៍លើការប្រើប្រាស់និងចែកចាយគ្រឿងញៀននេះ កុំអោយកើតមាន។ ជាងនេះលោកបញ្ជាក់បន្ថែមថា បញ្ហាគ្រឿងញៀនភាគច្រើនកើតមានទៅលើយុវជនក្មេងៗដែលភ្លើតភ្លើន ដូច្នេះក្នុងនាមជាអាជ្ញាធរ និងជាអាណាព្យាបាលត្រូវទប់ស្កាត់ឱ្យបាននូវបញ្ហានេះ ព្រោះយុវជនគឺជាទំពាំងស្នងឫស្សី ជាធនធានប្រទេសជាតិ។

​សូមបញ្ជាក់ថា កិច្ចប្រជុំ​ផ្សព្វផ្សាយ​នេះ​ធ្វើ​ឡើង​នៅ​ក្នុង​សាលា​ឃុំ​បារាយណ៍ ស្ថិតក្នុង​ភូមិ​ក្រសាំងជ័យ ឃុំ​បារាយណ៍ ស្រុក​បារាយណ៍ ​ខេត្ត​កំពង់ធំ ដោយ​មាន​ការ​ចូលរួម​ពី​ក្រុម​ការងារ​មន្ទីរ​ទំនាក់ទំនង​ខេត្ត លោក​មេ​ឃុំ លោក​មេ​ប៉ុស្តិ៍​បារាយណ៍ មេ​ភូមិ និងយុវជន​ក្នុងភូមិ ​ឃុំ ផងដែរ៕

អត្ថបទខ្លីសរសេរដោយ ហុក ដេប៉ូ យុវជនខេត្តកំពង់ធំ ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មានស្រ្តីកម្ពុជា(WMC) ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់(DW)។

The post កំពង់ធំ៖អាជ្ញាធរនិងពលរដ្ឋប្រជុំបង្កើនយុទ្ធសាស្រ្តទប់ស្កាត់បញ្ហាគ្រឿងញៀនក្នុងសហគមន៍ appeared first on WMC.

—————–

នាថ្ងៃទី ១៥ ខែកក្កដា ឆ្នាំ២០២០នេះ ក្រុមមន្ត្រីនៃគណបក្សសង្រ្គោះជាតិដែលត្រូវបានតុលាការ​រលាយ​បានចេញនូវសេចក្តីថ្លែងការណ៍មួយជំទាស់ រាជរដ្ឋាភិបាលកម្ពុជាក្នុងការផ្ដល់សិទ្ធិរស់នៅ​របស់​ជន​អន្តោប្រវេសន្ត ដោយឲ្យមានការធ្វើស្ថិតិឡើងវិញ។ ចំណែកឯលោក ឡៅ ម៉ុងហៃ អ្នកវិភាគឯករាជ្យវិញក៏បានផ្តល់នូវការយល់ឃើញស្រដៀងនេះដែរចំពោះជនអន្តោប្រវេសន៍វៀតណាមរស់នៅកម្ពុជាដោយខុសច្បាប់នេះ។ តែយ៉ាងណាអ្នកនាំពាក្យជនអន្តោប្រវេសន៍បានលើកឡើងថា ការផ្តល់ប័ណ្ណស្នាក់នៅអចិន្រ្តៃយ៍នេះគឺជារឿងធម្មតា ហើយប្រទេសណាក៏គេធ្វើបែបនេះដែរ។

កញ្ញា អ៊ុំ ច័ន្ទលក្ខិណា ជូនសេចក្តីរាយការណ៍៖

យោងទៅតាមសេចក្តីថ្លែងការណ៍របស់អតីតនៃគណបក្សសង្រ្តោះជាតិកម្រាស់ ២ទំព័រមានខ្លឹមសារ និងបញ្ជាក់ថា អតីតគណបក្សសង្រ្គោះ មានការព្រួយបារម្ភយ៉ាងខ្លាំងចំពោះបញ្ហាអន្តោប្រវេសន៍នៅក្នុងប្រទេសកម្ពុជា ដោយសារតែការធូររលុង នឹងមិនឯករាជ្យរបស់អាជ្ងាធរកម្ពុជា ក្នុងការអនុវត្តច្បាប់ស្តីពីអន្តោប្រវេសន៍ និងច្បាប់ស្តីពីសញ្ជាតិ នៃព្រះរាជាណាចក្រកម្ពុជា ឲ្យបានត្រឹមត្រូវ និងម៉ឺងម៉ាតិចំពោះការហូរចូលនៃជនអន្តោប្រវេសន៍ក្នុងប្រទេសកម្ពុជា ជាពិសេសជនអន្តោប្រវេសន៍ដែលជាជនជាតិវៀតណាម ក្រោមហេតុផលនៃការដឹងគុណប្រទេសវៀតណាម។

អតីតគណបក្សនេះបានលើកឡើងនូវ តាមមាត្រា ៣៧ នៃច្បាប់អន្តោប្រវេណ៍នៃព្រះរាជាណាចក្រកម្ពុជា ដែលតម្រូវឲ្យអាជ្ងាធរមានសមត្ថកិច្ចត្រូវតែបណ្តេញជនអនោប្រវេសន៍ខុសច្បាប់ទាំងនោះចេញពីប្រទេសកម្ពុជា ឲ្យទៅប្រទេសកំណើតរបស់ពួកគេវិញ។

នៅក្នុងសេចក្តីថ្លែងការណ៍ដដែលនេះបានបន្តថា កាលពីឆ្នាំ២០១៩កន្លងទៅអាជ្ងធរកម្ពុជាបានផ្តល់ដីចំនួន៤០ហិចតា ស្ថិតនៅភូមិដំបូកកកោះ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ឲ្យប្រជាពលរដ្ឋវៀតណាម ប្រមាណ២ពាន់គ្រួសារ ដើម្បីរស់នៅ ហើយបច្ចុប្បន្ននេះកំពុងផ្តល់ប័ណ្ណស្នាក់នៅអចិន្រ្តៃយ៍ដល់ជនអន្តោប្រវេណ៍ខុសច្បាប់ ដែលភាគច្រើនបំផុតគឺជាជនជាតិវៀតណាម។ វិធានការរបស់អាជ្ងាធរកម្ពុជាចំពោះជនជាតិវៀតណាមបែបនេះ មិនមែនជាវិធានការវិជ្ជមានដើម្បីការពារផលប្រយោជន៍ជាតិ និងប្រជាពលរដ្ឋខ្មែរនោះទេ ផ្ទុយទៅវិញវាអាចនឹងបង្កគ្រោះថ្នាក់ដល់បូរណភាពទឹកដី អធិបតេយ្យភាព ឯករាជ្យភាព និងសុវត្ថិភាពនៃប្រទេសកម្ពុជានាពេលអនាគត ហើយដែលអាចនឹងធ្វើឲ្យប្រទេសកម្ពុជាជាន់ដានប្រវត្តិសាស្រ្ត ឬក្លាយទៅជាជនរងគ្រោះនៅក្នុងប្រវត្តិសាស្រ្តជាថ្មីម្តងទៀតដូចជាករណីនៅក្នុងការបាត់បង់ទឹកដីកម្ពុជាក្រោម។

ជាគោលបំណងដែល អតីតនៃគណបក្សសង្រ្តោះចេញសេចក្តីថ្លែងការណ៍បែបនេះគឺដោយសារតែ ចង់ទាមទារឲ្យរាជរដ្ឋាភិបាលកម្ពុជា ត្រូវធ្វើស្ថិតិឡើងវិញឲ្យបានត្រឹមត្រូវច្បាស់លាស់ និងតម្លាភាព អំពីចំនួនពិតប្រាកដ នៃជនអន្តោប្រវេសន៍នៅក្នុងប្រទេសកម្ពុជា ហើយក៏ត្រូវអនុវត្តច្បាប់ស្តីពីអន្តោប្រវេសន៍ និងច្បាប់ស្តីពីសញ្ជាតិ នៃព្រះរាជាណាចក្រកម្ពុជា ឲ្យបានត្រឹមត្រូវ និងម៉ឺងម៉ាត់ប្រកបដោយឯករាជ្យ ដើម្បីធានាមិនឲ្យបញ្ហាអន្តោប្រវេសន៍បង្កគ្រោះហានិភ័យដល់បូរណភាពទឹកដីអធិបតេយ្យភាព ឯករាជ្យភាព និងសុវត្ថិភាពនៃប្រទេសកម្ពុជា ជាពិសេសភាពឋិតថេរគង់វង្សនៃមាតុភូមិកម្ពុជា និងភាពសុខដុមរមនានៃប្រជាជាតិខ្មែរ។

ក្នុងហេតុផលនេះ អតីតគណបក្សសង្រ្គោះជាតិ បានបង្ហាញនូវការមិនគាំទ្រចំពោះចំណាត់ការរបស់សម្តេចនាយករដ្ឋមន្រ្តី ហ៊ុន សែន នៅក្នុងការផ្តល់ប័ណ្ណស្នាក់នៅអចិន្រ្តៃយ៍ដល់ជនអន្តោប្រវេសន៍ចំនួន ២០,១០៧គ្រួសារ ស្មើនឹង៦៩,៩៥៧នាក់ ដែលកំពុងរស់នៅខុសច្បាប់ក្នុងប្រទេសកម្ពុជា ដោយប្រើប្រាស់ឯកសារក្លែងក្លាយ និងខុសច្បាប់។

ស្របពេលជាមួយគ្នានេះ លោក ឡៅ ម៉ុងហៃ ដែលត្រូវបានមហាជនទូទៅស្គាល់ថាជាអ្នកវិភាគឯករាជ្យនៅកម្ពុជា។ នៅថ្ងៃទី ១៥ ខែកក្កដា ឆ្នាំ២០២០នេះ លោកបានសរសេរសារមួយនៅលើគេហទំព័រហ្វេសប៊ុកផ្លូវការរបស់លោកដែលនេះទំនងជាការយល់ស្របចំពោះការលើកឡើងរបស់គណបក្សសង្រ្គោះជាតិទៅលើភាពមិនស្របច្បាប់របស់ជនជាតិវៀតណាមរស់នៅលើទឹកដីកម្ពុជា ដោយលោកបានលើកយកនូវហេតុផលចំនួន ៨ចំណុច។ លោកបានលើកឡើងនូវទស្សនៈរបស់លោកយ៉ាងដូច្នេះថា ជនជាតិវៀតណាមនៅប្រទេសកម្ពុជាអត់ស្របច្បាប់

១. ជនជាតិវៀតណាមនៅប្រទេសកម្ពុជាមុនឆ្នាំ១៩៧៥ ជាជនអន្តោប្រវេសន្ត- aliens – ។

២. រដ្ឋាភិបាលស្របច្បាប់លន់ នល់ បណ្តេញជនអន្តោប្រវេសន្តទាំងនោះទៅប្រទេសវៀតណាមខាងត្បូង ហើយរដ្ឋាភិបាលស្របច្បាប់វៀតណាមខាងត្បូងបានទទួលយកទៅឲ្យរស់នៅ នៅប្រទេសវៀតណាមខាងត្បូង ។

៣. ជំនាន់ខ្មែរក្រហម អត់មានជនជាតិវៀតណាមនៅប្រទេសកម្ពុជាទេ

៤. ជនជាតិវៀតណាមចូលមកនៅប្រទេសកម្ពុជាជាមួយកងទ័ពវៀតណាមចូលមកកាន់កាប់ត្រួតត្រាកម្ពុជា ជានិគមជន – settlers – គឺខុសច្បាប់អន្តរជាតិ ។

៥. និគមជនវៀតណាមត្រូវត្រឡប់ទៅប្រទេសវៀតណាមវិញ នៅពេលដែលកងទ័ពវៀតណាមដកថយចេញពីប្រទេសកម្ពុជា តាមកិច្ចព្រមព្រៀងសន្តិភាពទីក្រុងប៉ារីស។ និគមជនជប៉ុន ដែលប្រទេសជប៉ុនបានឲ្យទៅរស់នៅ ភូមិភាគមួយនៃប្រទេសចិនដែលកងទ័ពជប៉ុនបានឈ្លានពាននិងបង្កើតជារដ្ឋមួយដែលខ្លួនត្រួតត្រា តែដែលអន្តរជាតិអត់ទទួលស្គាល់ គឺរដ្ឋម៉ាន់ជូគួ – Manchukuo – (រដ្ឋអាយ៉ងជប៉ុន) ត្រូវត្រឡប់ទៅប្រទេសជប៉ុនវិញ ក្រោយប្រទេសជប៉ុនចាញ់សង្គ្រាមលោកលើកទី២ និងដកទ័ពចេញពីប្រទេសដែលខ្លួនបានឈ្លានពាន ។ ខ្ញុំជាតំណាងភាគីសម្តេចសឺន សាន បានលើកបញ្ហានិគមជនវៀតណាមនៅប្រទេសកម្ពុជា នៅក្នុងសន្និសិទទីក្រុងប៉ារីសលើកទីមួយនៅឆ្នាំ១៩៨៩ ។ នៅពេលនោះភាគីរដ្ឋកម្ពុជាប្រកែកថា និគមជនទាំងនោះជាខ្មែរកម្ពុជាក្រោម ។ នេះគឺជាការលើកឡើងរបស់លោក ឡៅ ម៉ុងហៃ។ លោកបានបន្តថា៖

៦. ជនជាតិវៀតណាមដែលចូលមកប្រទេសទេសកម្ពុជា ខុសនឹងច្បាប់អន្តោប្រវេសន្តខ្មែរ គឺរស់នៅខុសច្បាប់ ។

៧. ជនជាតិវៀតណាម មានសញ្ជាជាតិខ្មែរ ខុសច្បាប់សញ្ញាតិខ្មែរេបស់ប្រទេសកម្ពុជា គឺខុសច្បាប់ ។

៨. ជនជាតិវៀតណាមមានសញ្ជាតិខ្មែរមុននិងជំនាន់អ៊ុនតាក់ គឺខុសច្បាប់ ដោយសាររដ្ឋាភិបាលដែលកងទ័ពវៀតណាមបានបង្កើតនៅថ្ងៃទី៧ ខែមករា ឆ្នាំ១៩៧៩ គឺជារដ្ឋាភិបាលអត់ស្របច្បាប់ គេអត់ទទួលស្គាល់ក្នុងឆាកអន្តរជាតិ ។

ដោយឡែកសម្រាប់លោក កែវ វ៉ាន់ថន អ្នកនាំពាក្យនាយករដ្ឋាននៃជនអន្តោប្រវេសន៍នៃក្រសួង​មហាផ្ទៃ បានឲ្យវិទ្យុស្ត្រីដឹងនៅថ្ងៃទី១៥ ខែកក្កដា ឆ្នាំ២០២០នេះថា ចំពោះការផ្តល់ប័ណ្ណស្នាក់នៅអចិន្រ្តៃយ៍នេះគឺជារឿងធម្មតាទេ ហើយមិនមែនមានតែប្រទេសកម្ពុជាទេ បណ្តាប្រទេសនានាក៏មានដូច្នេះដែរ។លោកបានច្រានចោលការលើកឡើងរបស់អតីតគណបក្សសង្រ្គោះជាតិ ដែល​បានរិះគន់ ដូចនេះ៖

—————សំលេង———————

ចំពោះ​ជន​ជាតិវៀតណាមនៅកម្ពុជា តែងតែមានការយកចិត្តទុកដាក់ ​ជាខ្លាំងពីថ្នាក់​ដឹកនាំវៀត​ណាម​ដែល​​បាន​ផ្ដាំផ្ញើថា្នក់ដឹកនាំកម្ពុជា ជួយមើលថែទាំពួកគេរស់នៅកម្ពុជា ដោយសុំជួយផ្ដល់ឯកសាររស់​នៅ ដោយ​ស្របច្បាប់៕

The post ក្រុមប្រឆាំងទាមទារអោយរាជរដ្ឋាភិបាលពិនិត្យឡើងវិញការផ្ដល់សិទ្ធិរស់នៅចំពោះជនប្រទេសនៅកម្ពុជា appeared first on WMC.

កំពង់ធំ៖ ប្រជាពលរដ្ឋឃុំបឹង ស្រុកបារាយណ៍ ខេត្តកំពង់ធំ សម្តែងក្តីរីករាយហើយសាទរក្រោយអាជ្ញាធរ មូលដ្ឋានបានសាងសង់ផ្លូវបេតុងមួយខ្សែក្នុងសហគមន៍ បង្កើនភាពងាយស្រួលដល់ការធ្វើដំណើររបស់ពលរដ្ឋ។

អ្នកស្រី ណា ជាពលរដ្ឋមួយរូបរស់នៅក្នុងឃុំបឹង ស្រុកបារាយណ៍ ខេត្តកំពង់ធំ ដែលបានចូលរួមក្នុងពិធីបើកការដ្ឋានសាងសង់ផ្លូវបេតុងបាននិយាយថា អ្នកស្រីពិតជាសប្បាយរីករាយ ព្រោះក្នុងសហគមន៍មានផ្លូវថ្មី ងាយស្រួលធ្វើដំណើរទៅលក់ដូរ ប្រកបអាជីវកម្មផ្សេងៗ ពិសេសការធ្វើដំណើរទៅមន្ទីរពេទ្យពេលយប់ព្រលប់មិនសូវបារម្ភពីសុវត្ថិភាព។ ពលរដ្ឋរូបនេះឱ្យដឹងថា កាលពីមុនផ្លូវក្នុងឃុំពិបាកធ្វើដំណើរ ដីហុយ មានកន្លុកដោយកន្លែង ហើយរអិលនៅរដូវវស្សា និងជង្ហុកទឹកដក់ងាយប្រឡាក់សម្លៀកបំពាក់ផងដែរ។

ក្នុងនាមជាពលរដ្ឋក្នុងសហគមន៍មួយរូបនិងជាអ្នកប្រើប្រាស់ផ្លូវនេះ អ្នកស្រីនឹងចូលរួមថែររក្សាផ្លូវនេះឲ្យល្អប្រសើរ ព្រោះផ្លូវមួយខ្សែនេះជាសម្បត្តិរួមរបស់ពលរដ្ឋក្នុង សហគមន៍។

សូមបញ្ជាក់ថា ផ្លូវបេតុងអាមេមួយខ្សែនេះមានប្រវែងជាង ៤០០ម៉ែត្រស្ថិតក្នុងឃុំបឹង ស្រុកបារាយណ៍ ខេត្តកំពង់ធំ បានបើកការដ្ឋានសាងសង់កាលពីថ្ងៃទី១៥ កក្តដា ដឹកនាំដោយលោក ហាត ទៀងបូរិទ្ធ អភិបាលរងនៃគណៈអភិបាលស្រុកបារាយណ៍ និងមន្រ្តីពាក់ព័ន្ធមួយចំនួនទៀត។ ផ្លូវមួយខ្សែនេះតភ្ជាប់ពីភូមិត្រពាំងឈូកមកកាន់ឃុំបឹងជាគម្រោងមូលនិធិឃុំ៕

អត្ថបទខ្លីសរសេរដោយ លឿង ឧត្តម យុវជនខេត្តកំពង់ធំ ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មានស្រ្តីកម្ពុជា(WMC) ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់(DW)។

The post កំពង់ធំ៖ ពលរដ្ឋឃុំបឹងសាទរក្រោយអាជ្ញាធរសាងសង់ផ្លូវបេតុងថ្មីងាយស្រួលធ្វើដំណើរ appeared first on WMC.

ភ្នំពេញ៖ បន្ទាប់ពីបានសិក្សាវគ្គបណ្តុះបណ្តាលស្តីពីអក្ខរកម្មព័ត៌មាន និងប្រព័ន្ធផ្សព្វ ផ្សាយ(MIL)រួចមក យុវជនឃុំកកោះ ស្រុកមោងឫស្សី ខេត្តបាត់ដំបង​ ១៦នាក់ដែលជាសិក្ខាកាមបេ្តជ្ញាចិត្តថា ពួកគេនឹងប្រឹងប្រែងផលិតព័ត៌មានពីក្នុងសហគមន៍ ពិសេស ចែករំលែកចំណេះដឹងស្តីពី MIL ដល់យុវជនដដៃទៀតក្នុងមូលដ្ឋាន ដើម្បីឱ្យសហគមន៍មានការអភិវឌ្ឍន៍។

ការប្តេជ្ញាចិត្តនេះ ធ្វើឡើងក្រោយពីពួកគេបានបញ្ចប់វគ្គបណ្តុះបណ្តាលស្តីពីMIL ពីយុវជនបង្គោលក្នុងស្រុកមោងឫស្សីចំនួន ៣ នាក់ក្រោមការជួយតម្រង់ទិសពីក្រុមការងារមណ្ឌលព័ត៌មានស្រ្តីកម្ពុជា(WMC) ។

ជាការកត់សម្គាល់ ក្រោយបញ្ចប់វគ្គបណ្តុះបណ្តាលនេះ យុវជនទាំងអស់បានស្វែងរកប្រធានព័ត៌មាន និងព្រឹត្តិការណ៍ក្នុងសហគមន៍ ដើម្បីសរសេរផ្ញើមកជូនមណ្ឌលព័ត៌មាន ស្រ្តីកម្ពុជាជួយផ្សព្វផ្សាយ។ ស្នាដៃដែលយុវជនបានផលិតជាព័ត៌មានប្រធានបទរឿងទាក់ទង វិស័យកសិកម្ម សិល្បៈ ការអបរំ អភិបាលកិច្ច​កិច្ចអភិវឌ្ឍភូមិឃុំ និងរឿងទាក់ទងជីវិតតស៊ូរបស់ស្រ្តីៗក្នុងសហគមន៍។

យុវជនទាំងអស់បានបង្ហាញចំណាប់អារម្មណ៍ថា ការសិក្សាពីMIL ពិតជាបានផ្តល់នូវសារៈសំខាន់ណាស់សម្រាប់ពួកគេជាយុវជនក្នុងសហគមន៍ ព្រោះពួកគេអាចផ្សព្វផ្សាយរឿងរ៉ាវដែលបានកើតឡើងទាំងរឿងវិជ្ជមាន និងអវិជ្ជមាន ដើម្បីស្វែងរកដំណោះស្រាយជូនប្រជាពលរដ្ឋឈានទៅរកការអភិវឌ្ឍកាន់តែល្អប្រសើរ។

គួររំលឹកថា កាលពី​ថ្ងៃទី០៩ ដល់ថ្ងៃទី១២ ខែកក្តដា ឆ្នាំ២០២០ ថ្មីៗនេះ យុវជនបង្គោលឃុំកកោះចំនួន​ ៣ រូបបានចែករំលែកបទពិសោធន៍ស្តីពីអក្ខរកម្មព័ត៌មាន និងប្រព័ន្ធផ្សព្វផ្សាយហៅកាត់ថា MIL ដល់យុវជនក្នុងសហគមន៍ចំនួន ១៦ រូបក្នុងនោះមានយុវតីចំនួន ១២ រូបមកពីភូមិទួលព្រំ១ ទួលព្រំម២ ភូមិស្រែអូរ និងភូមិទួលស្នួល។​

ក្នុងវគ្គបណ្តុះបណ្តាលខ្លីរយៈពេល ៤ ថ្ងៃនេះយុវជនបង្គោលបានចែករំលែកចំណេះដឹងស្តីពី ការសរសេរព័ត៌មានខ្លីដែលរួមមានធាតុផ្សំចំនួន ៦ នៃព័ត៌មាន(5W1H) ការកំណត់ឯកជនភាពលើបណ្តញសង្គមហ្វេសប៊ុកឱ្យរឹងមាំ វិធីពិនិត្យផ្ទៀតផ្ទាត់ព័ត៌មានពិតនិងក្លែងក្លាយលើបណ្តាញសង្គម ជំនាញចាប់ប្លង់ថតរូបនិងវីដេអូ។ ជាងនេះទៀតយុវជនបង្គោលក៏បានណែនាំគុណភាពនៃព័ត៌មានមុននឹងគួរចែករំលែកលើបណ្តាញសង្គមបន្ត។​

អ្វីដែលពិសេសជាងនេះ ក្នុងពេលបណ្តុះបណ្តាលយុវជនបង្គោលបានដឹកនាំយុវជនទាំងអស់ធ្វើការងារជាក្រុមតូចៗ ការលេងល្បែងកំសាន្តទាក់ទងមេរៀនញ៉ាំងឱ្យបរិយាកាសសប្បាយរីករាយ ជាមួយការសម្រាកញុំាអាហារសម្រន់ផងដែរ។

វគ្គបណ្តុះបណ្តាលនេះប្រព្រឹត្តទៅនៅក្នុងវត្តព្រហ្មសុរិន្ទ ហៅវត្តទួលព្រហ្ម ស្ថិតក្នុងភូមិទួលព្រំ១ ឃុំកកោះ ស្រុកមោងឫស្សី ខេត្តបាត់ដំបង។ វគ្គនេះផង ក្រោមជំនួយបច្ចេកទេសនិងថវិកាពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់ (DW)៕​

អត្ថបទខ្លីសរសេរដោយ គឹម លីណា យុវជនខេត្តបាត់ដំបង ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មានស្រ្តីកម្ពុជា (WMC) ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់(DW)។​

The post យុវជនឃុំកកោះប្តេជ្ញាផលិតព័ត៌មានពីសហគមន៍ឈានទៅរកការអភិវឌ្ឍកាន់តែប្រសើរ appeared first on WMC.

(ភ្នំពេញ)៖ នាថ្ងៃទី ១៥ ក្រសួងកិច្ចការនារីបានរៀបចំសិក្ខាសាលាមួយ ក្នុងគោលបំណងជម្រុញ និងស្នើសុំឲ្យបណ្តាក្រសួង និងស្ថាប័នពាក់ព័ន្ធទាំងអស់ចូលរួមសហការគ្នា នៅក្នុងការគាំទ្រស្រ្តី ឲ្យមានភាពងាយស្រួលនៅក្នុងការចាប់យកកាលានុវត្តភាព និងសក្តានុពលថ្មីៗ។

កញ្ញា អ៊ុំ ច័ន្ទលក្ខិណា ជូននូវសេចក្តីរាយការណ៍៖

លោកស្រី អ៊ឹង កន្ថាផាវី រដ្ឋមន្ដ្រីក្រសួងកិច្ចការនារី បានស្នើក្រសួង-ស្ថាប័ន និងដៃគូពាក់ព័ន្ធ ជាពិសេសវិស័យឯកជន រួមគ្នាពង្រីង និងពង្រីកបរិយាកាស អំណោយផល រួមទាំងក្នុងក្របខណ្ឌគោលនយោបាយ តាមវិស័យ គាំទ្រឲ្យស្ត្រីកាន់តែមានភាពងាយស្រួល ក្នុងការចាប់យក កាលានុវត្តភាព និងសក្ដានុពលថ្មីៗ។

នៅសណ្ឋាគារភ្នំពេញ ព្រឹកថ្ងៃពុធ ទី១៥ ខែកក្កដា ឆ្នាំ២០២០ នាយកដ្ឋានអភិវឌ្ឍន៍សេដ្ឋកិច្ច នៃក្រសួងកិច្ចការនារី បានរៀបចំសិក្ខាសាលាស្តីពី “សហគ្រិនស្រ្តីក្នុងសហគ្រាសខ្នាតមីក្រូ តូច និងមធ្យមក្នុងកំឡុង និងក្រោយពីវិបត្តិនៃជំងឺកូវីដ-១៩” ក្រោមអធិបតីភាពដ៏ខ្ពង់ខ្ពស់ លោកជំទាវ អ៊ឹង កន្ថាផាវី រដ្ឋមន្រ្តីក្រសួងកិច្ចការនារី និងមានការអញ្ជើញចូលរួមពីថ្នាក់ដឹកនាំ និងមន្រ្តីក្រសួងកិច្ចការនារី មន្ទីរកិច្ចការនារី និងមជ្ឍមណ្ឌលអភិវឌ្ឍន៍ស្រ្តីគ្រប់ខេត្តក្រុង ក្រសួងពាក់ព័ន្ធ សមាគម/សហព័ន្ធសហគ្រិនស្រ្តី និងស្ថាប័នពាក់ព័ន្ធ ក្នុងគោលបំណង៖

• ពង្រឹងយន្តការថ្នាក់ក្រោមជាតិដើម្បីគាំទ្រស្រ្តីនៅតាមសហគមន៍ ក្នុងការធ្វើធុរៈកិច្ចអាជីវកម្ម ជាពិសេសនៅក្នុងកំឡុង និងក្រោយពីវិបត្តិនៃជំងឺកូវីដ-១៩។ ក្នុងនោះដែរក៏មានវេទិកាតុមូលដែលអោយអ្នកចូលរួមអាចទទួលបាន៖

១.ស្ថានភាព និងបញ្ហាប្រឈមរបស់ស្រ្តីសហគ្រិន ជាពិសេសក្នុងកំឡុងពលេកូវីដ-១៩

២.ក្របខ័ណ្ឌនយោបាយ និងកម្មវិធីផ្សេងៗ ដែលកំពុងមាន រឺអាចនឹងមានដើម្បីឆ្លើយតបនឹងបញ្ហាប្រឈមសំខាន់ៗមួយចំនួន

៣.ឧបករណ៍សម្រាប់ប្រតិបត្តិការ E-Commerce ដើម្បីលើកកម្ពស់ផលិតផលរបស់ ស្រ្តីនៅតាមសហគមន៍ ដែលអាចគាំទ្រដល់ការអភិវឌ្ឍន៍សហគ្រិនភាពស្រ្តី ។

• ការលើកកម្ពស់បរិយាប័ន្នហិរញ្ញវត្ថុ ការអភិវឌ្ឍសហគ្រិនភាព ការបង្កើនការយល់ដឹងផ្នែកឌីជីថល ជាពិសេសការគិតគូរ នៅក្នុងក្របខណ្ឌ នៃផែនការស្តារសេដ្ឋកិច្ចឡើងវិញ បន្ទាប់ពីវិបត្តិកូវីដ-១៩។
• ការស្នើបែបនេះ ធ្វើឡើងក្នុងឱកាសដែល លោកស្រី អ៊ឹង កន្ថាផាវី អញ្ជើញចូលរួម ក្នុងសិក្ខាសាលា ស្តីពីការបង្កើនភាពអង់អាច ផ្នែកសេដ្ឋកិច្ចដល់ស្ត្រី និងការអភិវឌ្ឍ សហគ្រាសខ្នាតមីក្រូ តូច និងមធ្យម ក្នុងកំលុង និងក្រោយពេលការរីករាលដាល នៃជំងឺកូវីដ-១៩ នាព្រឹកថ្ងៃទី១៥ ខែកក្កដា ឆ្នាំ២០២០នេះ។

បន្ថែមពីនោះទៀត លោកស្រី អ៊ឹង កន្ថាផាវី បានឲ្យដឹងថា ការរីករាលដាលនៃជំងឺកូវីដ-១៩ បានបណ្តាលឲ្យប៉ះពាល់វិស័យសេដ្ឋកិច្ច និងសង្គមជាតិ ប៉ុន្តែកូវីដ-១៩ ក៏អាចជាច្រកនៃឱកាសសម្រាប់យើងទាំងអស់គ្នា រួមទាំងអាជីវករជាស្ត្រី។

រដ្ឋមន្ដ្រីក្រសួងកិច្ចការនារី បានគូសបញ្ជាក់ថា យើងទាំងអស់គ្នា ត្រូវប្រែវិបត្តិនេះ ទៅជាកាលានុវត្តភាព ក្នុងការអភិវឌ្ឍ បង្ហាញពីសក្តានុពល និងភាពខ្លាំងរបស់យើង ជាពិសេសពង្រឹងសមត្ថភាពលើភាពធន់ និងឆ្លើយតបនឹងវិបត្តិផ្សេងៗ។

ជាមួយគ្នានេះ លោកស្រី អ៊ឹង កន្ថាផាវី បានលើកឡើងថា បច្ចេកវិទ្យាឌីជីថល កំពុងផ្លាស់ប្តូររបៀបធ្វើអាជីវកម្ម ហើយក៏ជាកាលានុវត្តភាពថ្មី សម្រាប់សហគ្រិនស្ត្រី និងសម្រាប់ការរស់នៅប្រចាំថ្ងៃ តាមរបត់និងទម្លាប់ថ្មី ស្របតាមបរិបទសេដ្ឋកិច្ចឌីជីថល និងបដិវត្តន៍ឧស្សាហកម្មទី៤ នាពេលនេះ។ នៅក្នុងនោះ ការធ្វើធុរកិច្ចតាមប្រព័ន្ធអេឡិចត្រូនិច (E-commerce) ជាឧបករណ៍មួយ ត្រូវយកមកពិចារណា សម្រាប់ការអភិវឌ្ឍសហគ្រិនស្ត្រី នៅគ្រប់កម្រិត៕

អត្ថបទដោយ អ៊ុំ ច័ន្ទលក្ខិណា

The post រដ្ឋមន្ដ្រីកិច្ចការនារី ស្នើដៃគូពាក់ព័ន្ធរួមគ្នាគាំទ្រស្ត្រីក្នុងការចាប់យកកាលានុវត្តភាព និងសក្ដានុពលថ្មីៗ appeared first on WMC.

សម្តេច ហ៊ុន សែននាយករដ្ឋមន្ត្រីនៃកម្ពុជា បានឯកភាពជាផ្លូវការក្នុងការផ្តល់ជូនថ្ងៃឈប់សម្រាកចំនួន ៥ថ្ងៃ សងថ្ងៃបុណ្យចូលឆ្នាំខ្មែរកន្លងមក ។

បើយោងតាមហ្វេកប៊ុកផ្លូវការរបស់សម្តេច ហ៊ុន សែន នៅថ្ងៃ១៣ ខែ កក្កដា ឆ្នាំ ២០២០នេះ បានសម្រេចឯកភាពជាផ្លូវការអោយ កម្មករ – និយោជិក និងមន្រ្តីរាជការ បានឈប់សម្រាករយៈពេល ៥ថ្ងៃ គិតចាប់ពីថ្ងៃទី១៧ ដល់ថ្ងៃទី ២១ ខែសីហា  ឆ្នាំ ២០២០ ជំនួសឱ្យថ្ងៃឈប់សម្រាកបុណ្យចូលឆ្នាំខ្មែរ២០២០ ដែលត្រូវបាពន្យារពេលកាលខែមេសាកន្លងមកនេះ ។

សម្តេចក៏បានបន្ថែមទៀតថា ទន្ទឹមនឹងនេះ សូមក្រសួងសុខាភិបាល,  ក្រសួងទេសចរណ៍, ក្រសួងសាធារណការ និងដឹកជញ្ជូនអាជ្ញាធរដែនដី  ព្រមទាំងក្រសួងស្ថាប័ន និងសមត្ថកិច្ចពាក់ព័ន្ធទាំងអស់សហការ និងពង្រឹងការអនុវត្តវិធានការការពារសុវត្ថិភាព  វិធានការសុខាភិបាល និងអនាម័យ ព្រមទាំងធ្វើការផ្សព្វផ្សាយអប់រំ និងណែនាំប្រជាពលរដ្ឋ និងម្ចាស់អាជីវកម្មដោយតម្រូវឲ្យអនុវត្តដាច់ខាតតាមគោលការណ៍ណែនាំរបស់ក្រសួងសុខាភិបាល ដើម្បីកាត់បន្ថយហានិភ័យនៃការចម្លងរាលដាលជំងឺកូវីដ-១៩ នៅក្នុងអំឡុងពេលនៃថ្ងៃឈប់សម្រាកចំនួន ៥ថ្ងៃ ក្នុងខែ សីហា ខាងមុខនេះ ។​

គួររំលឹកថាពិធីបុណ្យចូលឆ្នាំប្រពៃណីជាតិខ្មែរ ឆ្នាំ២០២០នេះ ត្រូវបានអាក់ខាន ដោយសារតែវិបត្តិជំងឺកូវីដ-១៩ ប៉ុន្តែសម្តេច ក៏បានប្រកាសផងដែរថា នឹងសងប្រជាពលរដ្ឋវិញ នៅពេលវេលាសមស្របណាមួយ ៕

The post សម្តេច ហ៊ុន សែន ឯកភាពលើការសងថ្ងៃឈប់សម្រាកជូនប្រជាពលរដ្ឋចំនួន ៥ថ្ងៃ appeared first on WMC.

កំពង់ធំ៖ មន្រ្តីក្រុមប្រឹក្សាឃុំ តំណាងភូមិ កសិករ និងយុវជនចំនួន ២៥នាក់ បានសន្យានឹងប្រឹងប្រែងថែរក្សា អភិវឌ្ឍន៍ប្រព័ន្ធធារាសាស្រ្តក្នុងសហគមន៍ឱ្យកាន់តែល្អប្រសើរឡើង ដើម្បីជាផលប្រយោជន៍ប្រជាពលរដ្ឋក្នុងសហគមន៍។

ការលើកឡើងនេះឡើង បន្ទាប់ពីអ្នកពាក់ព័ន្ធទាំងនោះបានចូលរួមវគ្គបណ្តុះបណ្តាលលើកទី២ ស្តីពី កិច្ចដំណើរការប្រមូលប្រាក់ភាគទាននៅសហគមន៍កសិករប្រើប្រាស់ទឹកប្រព័ន្ធធារាសាស្រ្ត ហ៊ុន សែន បារាយណ៍។ ជាងនេះទៀត វគ្គបណ្តុះបណ្តាលនេះក៏មានគោលបំណងឱ្យអ្នកចូលរួមស្វែងយល់កាន់តែច្បាស់ពីស្ថានភាពទូទៅរបស់ប្រព័ន្ធធារាសាស្រ្ត។

ក្នុងកម្មវិធីនេះ គ្រូឯកទេសបានណែនាំអ្នកចូលរួមឱ្យស្គាល់ពីកិច្ចដំណើរការ និងការគ្រប់គ្រងប្រព័ន្ធធារាសាស្រ្ត។ យល់ដឹងពីវិធីសាស្រ្តក្នុងការប្រមូលព័ត៌មាននៃការខូចខាតប្រព័ន្ធទឹក។ ចេះពីរបៀបគណនាកម្លាំងពលកម្ម និងគណនាទំហំនៃការខូចខាត។ ចេះរៀបចំគម្រោងថវិកាសម្រាប់ជួសជុសនិងថែទាំ។ យល់ដឹងពីដំណើរការប្រមូលប្រាក់ភាគទាន និងអាចដោះស្រាយបញ្ហាដែលកើតមានឡើងក្នុងការប្រមូលប្រាក់ជាដើម។

លោក ញ៉ឹក សុខុម ប្រធានសហគមន៍ធារាសាស្រ្ត ហ៊ុន សែន​ បារាយណ៍ដែលបានចូលរួមវគ្គបណ្តុះបណ្តាលនេះបានឱ្យដឹងថា លោកទទួលបានចំណេះដឹងជាច្រើនទាក់ទងប្រព័ន្ធធារាស្រ្ត ពិសេសគឺបញ្ហារបស់ប្រព័ន្ធប្រឡាយ​ ដឹងពីទំហំនៃការខូចខាត និងរបៀបជួសជុសឱ្យបានល្អ។ក្នុងនាមជាអ្នកគ្រប់គ្រងប្រព័ន្ធធារាសាស្រ្តលោកសន្យាថា នឹងពាំនាំចំណេះដឹងនេះយកទៅផ្សព្វផ្សាយនិងប្រមូលព័ត៌មានផ្សេងៗចែកជូនពលរដ្ឋឱ្យចូលរួមថែរក្សាប្រព័ន្ធធារាសាស្រ្តឱ្យបានល្អ។ លោកសន្យាថានឹងគ្រប់គ្រងតែរក្សាប្រព័ន្ធធារាសាស្រ្តក្នុងមូលដ្ឋានក្នុងល្អប្រសើរក្នុងអាណត្តិរបស់លោកគ្រប់គ្រង។

សូមបញ្ជាក់ថា វគ្គបណ្តុះបណ្តាលលើកទី២នេះ រៀបចំឡើងនៅអគារ គីម សេង ទីរួមខេត្តកំពង់ធំ រយៈពេល ៤ថ្ងៃពីថ្ងៃទី ១៤ ដល់ថ្ងៃទី១៧ កក្ដដា ឆ្នាំ២០២០៕

អត្ថបទខ្លីសរសេរដោយ សេង សុភ័ក្រ្ត យុវជនខេត្តកំពង់ធំ ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មានស្រ្តីកម្ពុជា(WMC) ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់(DW)។

The post កំពង់ធំ៖ អ្នកពាក់ព័ន្ធសន្យាគ្រប់គ្រងនិងអភិវឌ្ឍន៍ប្រព័ន្ធធារាសាស្រ្តក្នុងសហគមន៍កាន់តែល្អ appeared first on WMC.

កំពង់ធំ៖ អ្នកចូលរួមប្រមាណ ៥០នាក់ ដែលភាគច្រើនជាស្រ្តីមេផ្ទះ យុវតី និងសិស្សានុ សិស្ស បានលើកឡើងថា ពួកគេសប្បាយចិត្ត និងទទួលបានចំណេះដឹង បទពិសោធន៍ល្អៗពីសំណាក់វាគ្មិន បន្ទាប់ពីពួកគេបានចូលរួមវេទិកាសាធារណៈ ស្តីពី ស្រ្តី និង ភាពជាអ្នកដឹកនាំ។

មណ្ឌលព័ត៌មានស្រ្តីកម្ពុជា(WMC) កាលពីថ្ងៃទី ១៧ ខែកក្កដា ឆ្នាំ២០២០ ​បានរៀបចំវេទិ កាសាធារណៈ ស្តីពី ស្រ្តី និងភាពជាអ្នកដឹកនាំ នៅទីតាំងផ្ទះខ្មែរ(Khmer Home Stay) ស្ថិតក្នុងភូមិសំរោង ឃុំបារាយណ៍ ស្រុកបារាយណ៍ ខេត្តកំពង់ធំ។

វេទិកាសាធារណៈនេះ មានការចូលរួមពីប្រជាពលរដ្ឋ គ្រូបង្រៀន សិស្សានុសិស្សប្រមាណ ៥០នាក់ រួមទាំងវាគ្មិនចំនួនបួនរូប គឺ លោកស្រី ហាក់ ពុទ្ធិតុសិតា អភិបាលរងស្រុកបារាយណ៍ លោកស្រី អ៊ុង ច័ន្ទថុល នាយិកាប្រតិបត្តិនៃមណ្ឌលព័ត៌មានស្រ្តីកម្ពុជា កញ្ញា ណារ៉ា សុខេមា សាស្រ្តាចារ្យសាកលវិទ្យាល័យ និងជាអ្នកប្រឹក្សាគម្រោងអប់រំ និងកញ្ញា យ៉ាង លាភា មន្រ្តីនៃអង្គការតម្លាភាពកម្ពុជា។

ក្នុងកម្មវិធីនេះ វាគ្មិនទាំងបួនរូបបានលើកឡើងនូវបទពិសោធន៍ជីវិត ការតស៊ូ ជម្នះនូវរាល់ឧបសគ្គ និងពាក្យបន្ទច់បង្អាក់នានា ពិសេសខិតខំសិក្សារៀនសូត្របានជ្រៅជ្រះ រហូតមានការងារតួនាទី និងឋានៈខ្ពស់ក្នុងសង្គម។ ជាងនេះទៀត វាគ្មិនទាំងបួនរូបសុទ្ធសឹងជាស្រ្តី ក៏បានចែករំលែកវិធីសាស្រ្ត និងព័ត៌មាននានា ដើម្បីឱ្យស្រ្តីៗពិសេសយុវតីវ័យក្មេងដែលបានចូលរួម ប្រឹងប្រែងរៀនសូត្រ ចេះចាប់យកឱកាសអភិវឌ្ឍន៍ខ្លួន ជម្នះឱ្យបាននូវផ្នត់គំនិតដែលថា ស្រ្តីបង្វិលចង្ក្រានមិនជុំ។ 

យុវសិស្ស យឹម ដាណែត ជាអ្នកចូលរួមបានសម្តែងចំណាប់អារម្មណ៍របស់ថា រូបគេបានទទួលនូវបទពិសោធន៍យ៉ាងច្រើនពីការចែករំលែកផ្ទាល់របស់វាគ្មិនទាំង ៤រូប ដែលធ្វើឱ្យខ្លួនមានទំនុកចិត្តជាងមុន។ជាងនេះបានទទួលនូវចំណេះដឹងថ្មីៗ បានដឹងពីស្រ្តីខ្មែរមួយចំនួនដែលអាចជម្នះផ្នត់គំនិតចាស់ៗ ដែលថាស្រ្តីមិនឱ្យរៀនច្រើនដូចបុរស( ស្រ្តីបង្វិលចង្ក្រានមិនជុំ  ) និងគន្លឹះតស៊ូរបស់វាគ្មិន។

អ្វីពិសេសជាងនេះ យុវតី ដាណែត ឱ្យដឹងថា រូបគេចាប់អារម្មណ៍នូវពាក្យពេចន៍ជំរុញស្មារតីរបស់វាគ្មិនត្រង់ចំណុច ទោះបីជាកូនស្រីក៏ត្រូវជម្នះរៀន មិនបោះបង់ រកការងារស្ម័គ្រចិត្តធ្វើដើម្បីទទួលបានបទពិសោធន៍ការងារជាដើម។ មួយទៀត ដាណែត អាចយល់ដឹងពីគន្លឹះល្អដើម្បីអាចរៀនសូត្របានពិន្ទុល្អ អាចទៅរៀនក្រៅប្រទេស និងយល់ដឹងពីសារៈ សំខាន់ភាពចាំបាច់នៃការចេះភាសាអង់គ្លេស ពិសេសភាពជាអ្នកដឹកនាំ។

សូមបញ្ជាក់ថា កម្មវិធីវេទិកាសាធារណៈ ស្តីពី ស្រ្តី និងភាពអ្នកដឹកនាំនេះ រៀបចំដោយ អង្គការមណ្ឌលព័ត៌មានស្រ្តីកម្ពុជា ក្រោមការឧបត្ថម្ភថវិកាដោយ អង្គការតម្លាភាពកម្ពុជា និងជំនួយពលរដ្ឋអាមេរិក៕

ខាងក្រោមនេះជារូបភាពខ្លះៗក្នុងសកម្មភាពរៀបចំវេទិកាសាធារណៈ៖

អត្ថបទខ្លីសរសេរដោយ គន់ ស្រីណាក់ យុវជនខេត្តកំពង់ធំ ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មានស្រ្តីកម្ពុជា(WMC) ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់(DW)។

The post យុវជនទទួលបានបទពិសោធន៍ថ្មីបន្ទាប់ពីចូលរួមវេទិកាសាធារណៈស្តីពីស្រ្តីនិងភាពជាអ្នកដឹកនាំ appeared first on WMC.

នៅក្នុងសម័យកាលព្រះបាទ ចន្ទរាជា ទ្រង់ជាស្ដេចមូយអង្គដែលបានកសាង រាជធានីលង្វែក ដោយប្រើពេល ប្រមាណ៣ឆ្នាំ ពីគ.ស ១៥២៧ ដល់ ១៥២៩ ។ ព្រះចន្ទរាជា ជាស្ដេចដែលមានជំនឿលើព្រះពុទ្ធសាសនា ទ្រង់បញ្ជាឱ្យកសាងវត្តអារាម ជាច្រើនកន្លែង ក្នុងនោះ មានដូចជាវត្តត្រឡែងកែង កសាងក្នុងបន្ទាយលង្វែកផ្ទាល់តែម្ដង។ នៅសម័យលង្វែកជាពិសេសក្នុងរជ្ជកាលព្រះចន្ទរាជា និងមរមរាជាទី៤​ ខ្មែរបានពង្រឺងជំហររបស់ខ្លួនវិញបាន ហើយមានលទ្ធភាពលើកទព័ទៅវាយលុករាជធានីអយុធ្យា និងវាយរំដោះយកអាណាខេត្តភាគខាងលិចយ៉ាងច្រើន តែក្រោយមកបន្ទាយនេះក៏បានបែកបាក់ទៅវិញ ដោយទ័ពសៀមលុកលុយ។

តើមានកត្តាអ្វីខ្លះ ដែលនាំអោយបន្ទាយលង្វែកបាក់បែក?  ហេតុអ្វីបានជាប្រជារាស្ត្របំផ្លាញទ្រព្យសម្បត្តិខ្លូនឯង?​ តើប្រជានុរាស្រ្តពេលនោះ មានគិតថា​អាចរងការបំផ្លាញខ្លាំងដែរឬទេ?  តើគូរថែរក្សាបន្ទាយនេះយ៉ាងណា​កុំឱ្យបាត់បង់ បើបន្ទាយលង្វែកនាពេលបច្ចុប្បន្នក្លាយទៅជាដីកម្មសិទ្ធរបស់បុគ្គលជន សឺងតែទាំងអស់ទៅហើយ?

The post នាទីប្រវត្តិសាស្រ្ត អំពី គុម្ពឬស្សីបន្ទាយលង្វែកត្រូវបំផ្លាញដោយការខ្វះមនសិការតែពេលនេះគួរអភិរក្សជាសម្បត្តិវប្បធម៌របស់ជាតិ appeared first on WMC.

លោក ម៉ៅ មុនីវណ្ណ មន្ត្រីជាន់ខ្ពស់នៃអតីតគណបក្សសង្រ្គោះជាតិ ដែលជាក្រុមលោក កឹម សុខា បានចេញមុខវាយបកក្រុមណាដែលចោទថា លោកកឹម សុខា ជាអ្នកនយោបាយយកសុខតែម្នាក់ឯង ហើយថា​ការជាប់គុករបស់លោកកឹម សុខាគឺគ្មានន័យ។  លោកថាក្រុមនេះជាក្រុមរបស់លោកសម រង្ស៊ី ដែលបំរើយុទ្ធសាស្ត្រគណបក្សប្រជាជនកម្ពុជា។ តែអ្នកវិភាគយល់ថា ក្រុមលោកសម រង្ស៊ី និងលោក សម រង្ស៊ីដូចជាពុំមានចេតនាបំរើបក្សកាន់អំណាចនោះទេ ។

នាងខ្ញុំ នឿន ស្រីណុច ជូនសេចក្ដីរាយការណ៍៖

កាលពីថ្ងៃទី១៩ ខែកក្កដា ឆ្នាំ២០២០ លោក ម៉ៅ ​មុនីវណ្ណ មន្ត្រីជាន់ខ្ពស់អតីតគណបក្សសង្គ្រោះជាតិនិងជាអ្នកគាំទ្រ លោក កឹម សុខា បានចេញមកប្រតិកម្មទៅកាន់ អ្នកគាំទ្រ លោក សម រង្ស៊ី កំពុងវាយប្រហារលើលោក កឹម សុខាថាជាអ្នកបម្រើ និងអនុវត្តន៍នូវយុទ្ធសាស្ត្ររបស់គណបក្សប្រជាជនកម្ពុជា។

យោងតាមហ្វេសប៊ុកផ្លូវការ លោកម៉ៅ មុនីវណ្ណ បានសរសេរដោយវាយប្រហារលើក្រុមលោក សម រង្ស៊ីថានៅពេលលោក កឹម សុខា ជាប់ពន្ធនាគារនៅត្រពាំងផ្លុង ត្រូវបានក្រុមអ្នកគាំទ្រ លោក សម រង្ស៊ី ចោទថាស៊ីឈ្នួលជាប់គុគ ។ ​ពេលមកឃុំក្នុងផ្ទះ ចោទគាត់ថាសម្ងំយកសុខតែឯងហើយ ដល់ពេលចេញដំណើរទៅក្រៅផ្ទះ ត្រូវបានមួលបង្កាច់ថាក្បត់។

លោក ម៉ៅ មុនីវណ្ណ បានលើកឡើថា ការចោទថាពាក្យ «ក្បត់» នេះ គឺធ្លាប់តែប្រើដោយគណបក្សប្រជាជនកម្ពុជា ឥឡូវនេះត្រូវបានក្រុមអ្នកគាំទ្រ លោក សម រង្ស៊ី យកមកប្រើដែរ ជាហេតុនាំឱ្យលោកសន្និដ្ឋានថា ក្រុមអ្នកគាំទ្រ លោក សម រង្ស៊ី អនុវត្តន៍តាមយុទ្ធសាស្ត្ររបស់គណបក្សប្រជាជនកម្ពុជា។

លោក ម៉ៅ​ មុនីវណ្ណក៏បានបញ្ជាក់ដូច្នេះទៀតថា «យើងទាំងអស់គ្នាដឹងហើយថា គណបក្សប្រជាជនចោទលោក កឹម សុខាថាក្បត់ជាតិ ចំណែកក្រុម លោកសម រង្ស៊ី ក៏ចោទលោក កឹម សុខា ថាក្បត់។ ដូច្នេះក្រុម លោកសម រង្ស៊ីជាអ្នកបម្រើ និងអនុវត្តន៍យុទ្ធសាស្រ្តរបស់គណបក្សប្រជាជនកម្ពុជា គឺមានន័យថាគណបក្សប្រជាជនកម្ពុជានិងលោក សម រង្ស៊ី គឺតែមួយ»។

លោកសាស្ត្រាចារ្យវិទ្យាសាស្ត្រនយោបាយ ឯម សុវណ្ណារ៉ា យល់ឃើញថា នេះគ្រាន់តែជាការលើកឡើងមួយជ្រុងរបស់លោក ម៉ៅ មុនីវណ្ណ ប៉ុន្តែធាតុពិតនៅរង់ចាំមើលបន្តទៀត ។ លោកបានបន្តថា ស្លាបលោក កឹម សុខា និងលោក សម រង្ស៊ី ពុំទាន់ឈានទៅកាន់ការបង្កើតបក្សថ្មីៗរៀងៗខ្លួននោះទេ ។

ជាមួយគ្នានេះផងដែរ លោក ឯម សុវណ្ណារ៉ា មិនយល់ស្របនឹងមតិលោក ម៉ៅ មុនីវណ្ណថា លោក សម​ រង្ស៊ី និងក្រុមរបស់លោក​ សម​ រង្ស៊ីបម្រើយុទ្ធសាស្ត្ររបស់គណបក្សប្រជាជននោះទេ ពីព្រោះលោក សម​ រង្ស៊ី នឹងលោកនាយករដ្ឋមន្ត្រីគ្មានចំណុចណាថា អ្នកទាំងពីរធ្វើនយោបាយដើម្បីបោកបញ្ឆោតថ្នាក់ក្រោមទេ គឺគណបក្សប្រជាជន នឹងក្រុមលោក សម​ រង្ស៊ី មិនអាចត្រូវគ្នា ហើយពុំមានអ្នកណាបម្រើឲ្យនយោបាយអ្នកណានោះទេ ។ លោកបន្តទៀតថា បើក្រុមលោក សម រង្ស៊ី បម្រើឲ្យគណបក្សប្រជាជន គឺមិនចាំបាច់ធ្លាក់ក្នុងស្ថានភាពបែបនេះទេ តែលោកថាត្រូវរង់ចាំមើលស្ថានភាពទៅមុខបន្តទៀត ។

កាលពីខែវិច្ឆិកា ឆ្នាំ២០១៩ ចៅក្រមសាលាដំបូងរាជធានីភ្នំពេញ បើកលំហរសេរីភាពអនុញ្ញាតឱ្យលោក កឹម សុខា មេដឹកនាំអតីតគណបក្សសង្គ្រោះជាតិ ដែលជាប់ចោទពីការប្រព្រឹត្តអំពើ «ក្បត់ជាតិ» នោះធ្វើដំណើរទៅកាន់កន្លែងនានាក្នុងប្រទេសកម្ពុជា តែមិនត្រូវធ្វើសកម្មភាពនយោបាយនោះឡើយ។

កាលដែលអនុញ្ញាតឱ្យធ្វើដំណើរពាសពេញផ្ទៃប្រទេសនោះ បាននឹងកំពុងក្លាយទៅជាការជជែក និងជម្លោះពាក្យសម្តីយ៉ាងស្រួចស្រាវរវាងអ្នកគាំទ្រលោក កឹម សុខា និងអ្នកគាំទ្រ លោក សម រង្ស៊ី។

 កាលពីពេលថ្មីៗនេះ លោក កឹមសុខា បានធ្វើដំណើរទៅកាន់ទីកន្លែងនានានៅក្នុងប្រទេសកម្ពុជា ជាពិសេសបានទៅកាន់តំបន់ទេសចរណ៍គោលដៅ ក្នុងខេត្តសៀមរាប ធ្វើឱ្យទម្លុះបេះដូងអ្នកគាំទ្រ លោក សម រង្ស៊ី បានចេញមកបង្ហាញប្រតិកម្ម និងប្រើពាក្យពេចន៍ប្រមាថយ៉ាងចាស់ដៃលើលោក កឹម សុខា តាមរយៈបណ្តាញសង្គមហ្វេសប៊ុក ក្រុមអ្នកគាំទ្រលោក សម រង្ស៉ី ចោទលោក កឹម សុខា ត្រូវដងត្រូវផ្លែ ឬចុះចូលជាមួយគណបក្សប្រជាជនកម្ពុជា ដើម្បីប្តូរយកសេរីភាព ឬសេចក្តីសុខផ្ទាល់ខ្លួន ។ ពេលខ្លះពួកគេប្រើពាក្យធ្ងន់ៗថា លោក កឹម សុខា លក់ឆន្ទៈ លក់ឧត្តមគតិ ឱ្យគណបក្សប្រជាជនកម្ពុជាដើម៕

The post លោក ម៉ៅ មុនីវណ្ណ ចោទ ក្រុមលោកសម រង្ស៊ីថាបំរើយុទ្ធសាស្ត្របក្សកាន់អំណាចតែអ្នកវិភាគមិនយល់ស្របនោះទេ appeared first on WMC.

កំពង់ធំ៖ អ្នកស្ម័គ្រចិត្តក្នុងសហគមន៍ប្រមាណ ៤០នាក់មកពីភូមិនានា ទូទាំង ១០ ឃុំ នៃស្រុកបារាយណ៍ ខេត្តកំពង់ធំ បានចូលសិក្សាវគ្គបណ្តុះបណ្តាលលើកទី ២ ស្តីពី ការដាក់ពិន្ទុរបស់អ្នកទទួលសេវា គឺប្រជាពលរដ្ឋ និងដាក់ពិន្ទុអ្នកផ្តល់សេវា គឺថ្នាក់ដឹកនាំភូមិ ឃុំ មណ្ឌលសុខភាព និងសាលាបឋមសិក្សា។

វគ្គបណ្តុះបណ្តាលនេះធ្វើនៅក្នុងសាលាឆាន់នៃវត្តពណ្ណរាយ​ ស្ថិតក្នុងភូមិបណ្ណរាយណ៍ ឃុំចាន់ជើង ​ស្រុកបារាយណ៍ខេត្តកំពង់ធំ។

ក្រោយបញ្ចប់វគ្គបណ្តុះបណ្តាលនេះ អ្នកស័្មគ្រចិត្តទាំងអស់នឹងចុះទៅជួបជាមួយអាជ្ញាធរមូលដ្ឋាន និងប្រជាពលរដ្ឋ ដើម្បីសិក្សានិងវាយតម្លៃការផ្តល់សេវាសាធារណៈមួយចំនួនដូចជា សេវាអប់រំ សុខាភិបាល និងសេវាដែលផ្តល់ជូនពីមន្រ្តីឃុំមួយចំនួន។ អ្នកស័្មគ្រចិត្តដែលបានសិក្សាវគ្គនេះ បានឱ្យដឹងថា ការចុះវាយតម្លៃតាមក្បួនខ្នាតដែលបានទទួលពីវគ្គបណ្តុះបណ្តាលនេះ នោះគេនឹងអាចរកឃើញចំណុចខ្លាំង និង ចំណុចខ្សោយ ឈានទៅកែលម្អសេវាសាធារណៈកាន់តែល្អប្រសើរក្នុងសហគមន៍។

សូមបញ្ជាក់ថា បេសសកម្មការងារចុះវាយតម្លៃនេះ បើទោះបីមានប្រាក់ឧបត្ថម្ភ ឬគ្មានប្រាក់ខែក៏ក្រុមអ្នកស័្មគ្រចិត្តនៅតែខិតខំប្រឹងប្រែងចំពោះការងារនេះឲ្យបានជោគជ័យ៕

អត្ថបទខ្លីសរសេរដោយ ទៀត កាមីឡះ យុវជនខេត្តកំពង់ធំ ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មានស្រ្តីកម្ពុជា(WMC) ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់(DW)។

The post អ្នកស្ម័គ្រចិត្តសិក្សាបន្ថែមពីរបៀបវាយតម្លៃលើសេវាសាធារណៈក្នុងមូលដ្ឋាន appeared first on WMC.

បាត់ដំបង៖ រោងឈើតូចមួយប្រក់ដោយដំបូងជ័រកៅស៊ូតង់ពណ៌ខ្មៅក្រោមម្លប់ឈើពុទ្រា នាភូមិទួលព្រំ ២ ឃុំកកោះ​ស្រុកមោងឫស្សី ខេត្តបាត់ដំបង ទីនេះហើយជាកន្លែងផ្តល់ស្វ័យសិក្សាបន្ថែមដល់សិស្ស បន្ទាប់ពីសាលារៀននៅទូទាំងប្រទេសត្រូវបិទទ្វារជាបណ្តុះអាសន្ន ព្រោះវិបត្តិកូវីដ ១៩ ជំងឺប្រល័យជីវិតមនុស្សដ៏សាហាវតាមរយៈផ្លូវដង្ហើម។

បើបានមកដល់ទីតាំងខាងលើ យើងនឹងឃើញសិស្សមួយក្រុមប្រមាណ ១០នាក់ ខ្លះអង្គុយលើកៅអីធ្វើពីគល់ឈើ និងសិស្សខ្លះអង្គុយលើគ្រែឈើផង ពួកគេត្រងត្រាប់ស្តាប់ការពន្យល់របស់លោកគ្រូម្នាក់ដែលស្ម័គ្រចិត្តឆ្លៀតពេលចុះបង្រៀនសិស្សផ្ទាល់។

ដោយមើលឃើញពីចំណុចខ្វះខាតរបស់សិស្សក្នុងការសិក្សារៀនសូត្រតាមប្រព័ន្ធអនឡាញ លោកគ្រូបង្រៀនម្នាក់ឈ្មោះ ឡម លក្ខ បានឆ្លៀតពេលចុះបង្រៀនសិស្សតាមផ្ទះដើម្បីជួយរំលឹកមេរៀន និងបង្កើនគុណភាពសិក្សាដល់ឱ្យបានដិតដល់។​

ឈរបង្រៀនក្នុងកាយវិការសមសួនលោកគ្រូ ឡម លក្ខ មិនដែលធ្វេសប្រហែលការពារខ្លួនពីជំងឺកូវីដ១៩ ឡើយ ពោលគឺលោកគ្រូ និងសិស្សពាក់ម៉ាសជាប់រហូតពេលសិក្សា។ លោកគ្រូឱ្យដឹងថា ដោយសារនៅទីជនបទសិស្សភាគច្រើនពុំសូវមានលទ្ធភាពប្រើប្រាស់ទូរស័ព្ទស្មាតហ្វូនទំនើបៗ ហើយសេវាអ៊ីធើណែតដំណើរការក៏មិនល្អ ប្រការទាំងនេះបង្កឧបសគ្គដល់ការរៀនសូត្ររបស់សិស្ស។ លោកគ្រូបន្ថែមថា ការចុះបង្រៀនរបស់លោក គឺតែបីថ្ងៃតែប៉ុណ្ណោះក្នុងមួយសប្តាហ៍៕

អត្ថបទខ្លីសរសេរដោយ ហុង ចាន់ យុវជនខេត្តបាត់ដំបង ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មានស្រ្តីកម្ពុជា(WMC) ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់(DW)។​

The post វិបត្តិCovid-19៖ គ្រូម្នាក់ឆ្លៀតបង្រៀនសិស្សផ្ទាល់ខណៈការរៀនតាមអនឡាញពុំសូនដិតដល់ appeared first on WMC.

ជម្លោះសមុទ្រចិនខាងត្បូង រវាងចិន និងប្រទេសមួយចំនួននៃសមាគមអាស៊ាន រវាងចិន និងអាមេរិក ឃើញថា មានកំដៅជាខ្លាំង។ ការឡើងកំដៅដែលបារម្ភខ្លាចទៅរកសង្រ្គាមសមុទ្រ ក្នុង​តំបន់ដោយសារពេលនេះ អាមេរិកបានដាក់ពង្រាយគ្រឿងសព្វាវុធ និងកងទ័ពមួយចំនួនធំ ។ ចំណែកចិនវិញ ក៏បានដាក់ពង្រាយរួចហើយដែរនូវនាវាចម្បាំង យន្តហោះចម្បាំង និង កាំជ្រួចនៅ លើកោះWoody ដ៏ធំជាងគេ នៅប្រជុំកោះប៉ារ៉ាហ្សែល​ដែលវៀតណាមចោទចិនថា បានដណ្ដើមយកពីដែនទឹករបស់ខ្លួន។

ប៉ុន្តែអ្វីដែលនាំអោយអាមេរិក ដាស់តឿនប្រទេសក្នុងតំបន់អោយប្រកាន់យកតួនាទីអព្យាក្រឹត្យ ទំនងក្រុងវ៉ាស៊ីនតោន គិតថា ប្រទេសខ្លះនៃសមាគមនេះ ពិតជារងឥទិ្ធពលចិន ដោយទាំងឥទ្ធិពលសេដ្ឋកិច្ច និងយោធា។​លោករដ្ឋមន្ត្រីក្រសួងការពារជាតិអាមេរិក ម៉ាក អេ​ស្ពើរ បានផ្ដើមឈ្មោះ ប្រទេសកម្ពុជា មកនិយាយក្នុងកិច្ចពិភាក្សាមួយ កាលពីថ្ងៃទី២១កក្កដា ដោយដាស់​តឿន​កម្ពុជា ជាថ្មីម្ដងទៀត កុំនៅក្រោមឥទ្ធិពលចិន​ដែលលោកថានាំឲ្យ​បាត់​អធិបតេយ្យ និង​ឯករាជ្យ​របស់​ខ្លួន។

នៅ​ក្នុង​កិច្ចពិភាក្សា​តាម​បណ្ដាញ​អ៊ីនធើណេត ដែល​រៀបចំ​ដោយ​វិទ្យាស្ថាន​អន្តរជាតិ​សម្រាប់​ការសិក្សា​យុទ្ធ​សាស្រ្ត មន្រ្តី​ជាន់ខ្ពស់​អាមេរិក​រូប​នេះ បាន​ឆ្លើយ​​ទៅ​នឹង​សំណួរ អំពី​ថា​តើ​អ្វី​អាច​ស្ដារ​ទំនាក់ទំនង​ល្អក់កករ​រវាង​សហរដ្ឋអាមេរិក និង​កម្ពុជា និង​ការសង្ស័យ​អំពី​មូលដ្ឋានទ័ព​ចិន​នៅ​លើទឹក​ដីខ្មែរ។

យ៉ាងណា លោក ម៉ាក អេស្ពើរ ថ្លែង​ថា អាមេរិក​បារម្ភ មិនមែន​តែ​រឿង​ប្រទេស​កម្ពុជា ងាក​ខ្លាំង​ទៅ​រក​ចិន​ទេ តែ​ក៏​បារម្ភ​រឿង​ប្រទេស​ឯទៀត ដែល​កំពុង​ផុងខ្លួន​ដោយសារតែ​ឥទ្ធិពល​ចិន​ ដែលលោកថា សហរដ្ឋអាមេរិកបាន ឃើញ​បញ្ហា​នេះ​កើត​មាន​ជា​ហូរហែ​មក​ហើយ។

តាមលោកម៉ាក អេ​ស្ពើរ  អ្វី​ដែល​ជា​បញ្ហា​ធំ​នោះ គឺ​រដ្ឋាភិបាល​ចិន​ប្រើ​យុទ្ធសាស្ត្រ​គាប​សង្កត់​ប្រទេស​ទាំង​នោះ ឱ្យ​ចូល​ស៊ង​របស់​ខ្លួន ដើម្បី​បម្រើ​ផល​ប្រយោជន៍​ចិន។ របៀប​គាបសង្កត់​នោះ រួម​មាន​គំរាម​ដាក់ទណ្ឌកម្ម​សេដ្ឋកិច្ច កាត់​ផ្ដាច់​ចំណង​ការទូត​ជាដើម។ យើង​ក៏​ឃើញ​ប្រទេស​ចិន ល្បួង​ឲ្យ​ប្រទេស​ជាច្រើន​ខ្ចី​លុយ​ខ្លួន ដែល​យូរ​ទៅ​ផុងខ្លួន​ជំពាក់​បំណុល​ចិន​វណ្ឌ​ក ឬ​សន្យា​សង់​មូលដ្ឋាន​ជើងទឹក»។ក្នុង​ស្ថានភាព​បែបនេះ លោក ម៉ាក អេស្ពើរ ថ្លែង​ថា ប្រទេស​ទាំងឡាយ ដែល​កំពុង​លុះ​ក្រោម​ឥទ្ធិពល​កៀបសង្កត់​របស់​ចិន ត្រូវ​ចេះ​រើ​បម្រះ​ខ្លួន​ចេញពី​ចិន។ នេះជាការប្រែសម្រួលរបស់វិទ្យុអាមេសេរី ផ្សាយជាខេមរភាសារដែលមានមូលដ្ឋាននៅ ក្រុងវ៉ាស៊ីនតោន។

យ៉ាងណា មកដល់ពេលនេះ ពុំទាន់ឃើញក្រសួងការបរទេសកម្ពុជា ដែលតាងនាមអោយ រាជរដ្ឋាភិបាល ដើម្បីឆ្លើយទៅកាន់ប្រទេសខាងក្រៅ ចេញសេចក្ដីថ្លែងការណ៍ប្រតិកម្មនឹងលោក រដ្ឋមន្ត្រីការពារជាតិសហរដ្ឋអាមេរិក រូបនេះនៅឡើយទេ។  វិទ្យុស្ត្រីបានទាក់ទងបាននឹងលោកកុយគួង អ្នកនាំពាក្យ ក្រសួងការបរទេស កម្ពុជាដើម្បីសុំយោបល់ ឆ្លើយតបនឹងលោក ម៉ាក អេ​ស្ពើរ  ប៉ុន្តែលោកមិនបានឆ្លើយអ្វីទេ ក្រៅពីនិយាយថា លោកមានធុរៈជួបភ្ញៀវ ហើយនៅពេលនេះ។

កន្លងមក សហរដ្ឋអាមេរិក ចោទថា កម្ពុជានឹងផ្ដល់អោយចិន ដាក់ពង្រាយទ័ពនៅពេល  មូលដ្ឋានព្រមានយន្តហោះមួយធ្វើឡើងនៅ ខេត្តឆ្នេរសមុទ្រកម្ពុជារួចរាល់ហើយនោះ។ ប៉ុន្តែ មន្ត្រីជាន់ខ្ពស់កម្ពុជា រួមទាំងសម្ដេច ហ៊ុន​សែន ផងដែរ បានប្រាប់់សមភាគីវៀតណាមង្វៀនស៊ុនហ្វុក ដោយអះអាងថា រដ្ឋធម្មនុញ្ញកម្ពុជានឹងមិនអនុញ្ញាតិអោយមានកងទ័ពបរទេស លើទឹកដីកម្ពុជាឡើយ។ ប៉ុន្តែ ការអះអាងនេះ ក៏ត្រូវបានរដ្ឋមន្ត្រីការបរទេសអាមេរិក Mike Pompeo   ជំរុញអោយ​សមាជិកអាស៊ាន នាំគ្នាយកគំរូតាមកម្ពុជា ដែលប្រកាន់ជំហរអព្យាក្រឹត្យ អោយឆា្ងយ ពីឥទ្ធីពលចិន ។ លោក Mike Pompeo  បានថ្លែងដូចនេះ នៅចំពោះវត្តមានរដ្ឋមន្ត្រីការបរទេសអាស៊ាន នៅក្នុងកិច្ចប្រជុំមួយនៅក្រុងបាងកកប្រទេសថៃ កាលពីឆ្នាំ២០១៨។

ក្នុងស្ថានភាព ចិននិងអាមេរិកកំពុងដំណើរ ឥទ្ធិពលកងទ័ពនៅសមុទ្រចិនខាងត្បូង  គេស​ង្កេត​ ឃើញអ្នកវិភាគឯករាជ្យម្នាក់គឺលោកបណ្ឌិតឡៅម៉ុងហៃ បានសរសេរលើ ហ្វេសបុករបស់ ដោយសរសើរ កម្ពុជា នៅស្ងៀមស្ងាត់ ចំពោះស្ថានភាពជម្លោះសមុទ្រចិនខាងត្បូង ដែលលោក ចាត់ទុកថា កម្ពុជាកំពុងប្រកាន់យកគោលការណ៍អព្យាក្រឹត្យបានល្អប្រសើរ។

តែកន្លងមកអ្នកវិភាគឯមសុវណ្ណារ៉ា យល់ឃើញថា ប្រទេសដែលក្លាចកម្ពុជា លំអៀងទៅរក ចិន គឺប្រទេសវៀតណាម ព្រោះប្រទេសចិននិងវៀតណាម តែងតែបង្កជម្លោះប្រដាប់អាវុធដាក់គ្នា ច្រើនលើកមកហើយ ដោយសារការចង់គ្រប់គ្រងផ្ដាច់មុខនៅដែនទឹកនៃទំបន់សមុទ្រចិនខាងត្បូង។

សមុទ្រចិនខាងត្បូងមាន ក្រឡាផ្ទៃ៣លានគីឡូម៉ែត្រក្រឡា និងមានកោះចំនួន២៥០ ។ បច្ចុប្បន្ន ចិនចូលកាន់កាប់ ជិត៨០ភាគរយទៅហើយ ។នេះ បើតាមសារព័ត៌មាន អាមេរិក The National Interest ។ វៀតណាម គំរាមថានឹងប្ដឹងចិនទៅកាន់តុលាការICJ និងបង្ខំអោយចិន គោរច្បាប់សមុទ្រអន្តរជាតិឆ្នាំ១៩៨២។ តែបែបនេះក្ដី អាមេរិក​ទំនងមិនបណ្ដោយអោយចិន កាងយកតំបន់នោះបានឡើយ។ សហរដ្ឋអាមេរិក​អះអាងថា តំបន់នោះ ជាដែននាវាចរណ៍អន្តរជាតិ៕

The post ជម្លោះសមុទ្រចិនខាងត្បូង-អាមេរិក-ចិន ៖កម្ពុជានិងសមាជិកអាស៊ានត្រូវបានអាមេរិកប្រាប់ជាថ្មីទៀតកុំឱ្យស្ថិតក្រោមឥទ្ធិពលចិន appeared first on WMC.

ព្រះបាទលំពង្សរាជាជាព្រះមហាក្សត្រខ្មែរមួយអង្គដែលគ្រងរាជ្យ​សម្បត្តិរយៈពេលខ្លី ត្រឹមតែប្រមាណ៥ឆ្នាំ តែប៉ុណ្ណោះ ។ ក្នុងរជ្ជកាលព្រះអង្គគ្រប់គ្រងព្រះនគរ សៀមបានលើកទព័មកនគរខ្មែរបំណង យកជាចំណុះប្រទេសសៀម ។ ព្រះអង្គបានវាយបង្ក្រាបពួកសៀមឱ្យបរាជ័យ វិលត្រលប់ទៅវិញ ក្រោយទទួលបានជ័យជំនះ ។ប៉ុន្តែក្រោយមកសៀមវាយបកវិញ ក្រោយពីដឹងថា ព្រះអង្គ បានរំសាយទ័ព។ ខណៈទ័ព សៀមបានវិលត្រលប់មកនិងវាយបកវិញ ធ្វើឱ្យព្រះអង្គមិនអាចគ្រប់គ្រងស្ថានការណ៏បានហើយនគរធ្លាក់ចូលក្នុងកណ្ដាប់ដៃរបស់សៀម ។

សូមស្ដាប់ប្រវត្តិសាស្រ្តនេះ ត្រង់ភាគមួយដែល អត្ថាធិប្បាយ ដោយលោកឡាក់ច័ន្ទតារាដូចតទៅ៖……

The post នាទីប្រវត្តិសាស្ត្រ អំពីជ័យជម្នះបែរជាធ្វើឱ្យនគរធ្លាក់ក្រោមសៀមត្រួតត្រាវិញគឺដោយសាររំសាយទ័ពភ្លេចគិតការវាយបកពីសៀមនៃរជ្ជកាលស្ដេចលំពង្សរាជា។ appeared first on WMC.

ក្នុងរជ្ជកាលព្រះអង្គគ្រប់គ្រងព្រះនគរ សៀមបានលើកទ័ពមកនគរខ្មែរ​បំណង យកជាចំណុះប្រទេសសៀម ។ ព្រះអង្គ បានរំសាយទ័ព បន្ទាប់ពីឈ្នះសត្រូវ ខណៈទ័ព សៀមបានវិលត្រលប់មកនិងវាយបកវិញ ធ្វើឱ្យព្រះអង្គមិនអាចគ្រប់គ្រងស្ថានការណ៏បានហើយធ្វើឱ្យនគរចូលក្នុងមហន្ដរាយ សូមស្ដាប់ប្រវត្តិសាស្រ្តនេះ ត្រង់ភាគបញ្ចប់ដែល អត្ថាធិប្បាយ ដោយលោកឡាក់ច័ន្ទតារាដូចតទៅ៖……

The post នាទីប្រវត្តិសាស្ដ្រ ព្រះបាទលំពង្សរាជា ភាគបញ្ចប់ appeared first on WMC.

សម្ដេចសខេងចេញសេចក្ដីណែនាំ៦ចំណុច ដល់បណ្ឌិត្យសភានគរបាលកម្ពុជា ក្នុងការបណ្ដុះបណ្ដាល​នគរបាល ​អោយមានវិជ្ជាជីវៈត្រឹមត្រូវក្នុងការបម្រើវិស័យសន្តិសុខជាតិនិងសង្គម ។

លោកឡាក់ចន្ទដារារាយការណ៍

The post សម្តេច ស ខេង ដាក់ចេញនូវការណែនាំចំនួន៦ចំណុច ដល់បណ្ឌិត្យសភានគរបាលកម្ពុជា appeared first on WMC.