កម្មកររោងចក្រធៀនធៀន ដែលមានទីតាំងនៅ ភូមិទួលត្នោត ឃុំពើក ស្រុកអង្គស្នួលខេត្តកណ្ដាល ព្រមានដុតរោងចក្រធៀនធៀននៅព្រឹកថ្ងៃ ចន្ទនេះ បើគ្មានដំណោះស្រាយបញ្ហាប្រាក់ខែរបស់ពួកគេ ។
សូមជម្រាបថា កម្មកររោងចក្រធៀនធៀនប្រមាណ១៧០នាក់ បានធ្វើបាតុកម្មកន្លះខែមកហើយ ក្រោយពីថៅកែរោងចក្របានរត់ចោល ដោយមិនបានបើកប្រាក់ខែដល់ពួកគេកាលពីដើមខែសីហា ឆ្នាំ២០១៥ ។
តំណាងកម្មករម្នាក់ បានឲ្យវិទ្យុស្ត្រីនៅព្រឹកថ្ងៃចន្ទ ទី៣១ ខែសីហា ឆ្នាំ២០១៥ នេះថា បើនៅតែគ្មានដំណោះស្រាយដល់កម្មករទេ នោះកម្មករនឹងដុតរោងចក្រនៅព្រឹកនេះ ។
សូមរំឭកថា កាលពីថ្ងៃព្រហស្បតិ៍ ទី២០ខែសីហាឆ្នាំ ២០១៥ កម្មកររោចក្រធៀន ធៀន បានប្រមូលផ្តុំគ្នានៅមុខសាលាដំបូងខេត្តកណ្ដាល ដើម្បីទាមទាឲ្យតុលាការឆាប់ចេញដីការក្សាការពារ ឲ្យភាគីកម្មករអាចលក់ទ្រព្យសម្បិត្តរបស់ក្រុមហ៊ុនដែលនៅសល់ ដើម្បីយកប្រាក់បើកជាប្រាក់ខែជូនកម្មករ ក្រោយពេលថៅកែរោងចក្ររត់ចោលដោយគ្មានមូលហេតុ។ ប៉ុន្តែចាប់ពីពេលនោះមកដល់ថ្ងៃនេះ នៅតែមិនមានដំណោះស្រាយ ៕