ពួកយោធាដែលស្និទ្ធនឹងអនុប្រធានាធិបតី Emmerson Mnangagwa នៃប្រទេសហ្សិមបាវេ បានចាប់ផ្ដើមរំកិលរថពាសដែករាប់សិបគ្រឿងចូលរដ្ឋធានី Harare របស់ប្រទេស ដែលសកម្មភាពនេះ ត្រូវបានព្រមានថា ជារដ្ឋប្រហារទម្លាក់ប្រធានាធិបតី Robert Mugabe។
តាមបណ្ដាញផ្សាយព័ត៌មា នBBC សកម្មភាពកងទ័ពនេះដឹកនាំដោយ មេបញ្ជាការកំពូលម្នាក់គឺលោកឧត្តមសេនីយ៍ Chiwenga ដែលជាមិត្តជិតស្និទ្ធនឹងអនុប្រធានាធិបតី ដែលលោកMugabe បណ្ដេញពីតំណែង។ ការបណ្ដេញលោក Mnangawa បន្ទាប់ពីភរិយារបស់ លោក Mugabe លោកស្រី Grace Mugabe បានស្នើចូលកាន់តំណែង ជំនួសស្វាមី ដែលករណីនេះ នាំអោយមានការបែកបាក់ផ្ទៃក្នុងនៃគណបក្សកាន់អំណាចZanu-PF ។
តាមសេចក្ដីរាយការណ៍ កងព័ទបានឡោមព័ន្ធនិងកាន់កាប់ស្ថានីយ៍ទូរទស្ស ន៍ ធំបានច្រើនហើយ ។
អ្នកនាំពាក្យ ប្រធានាធិបតី បានចោទឧត្តមសេនីយ៍ថា ជនជនក្បត់ជាតិ មានផែនការផ្ដួលមេដឹកនាំរបស់ខ្លួន។ តែលោកឧត្តមសេនីយ៍បានអះអាងថានឹងមិនមានការផ្ដួលរំលំអំណាចរបស់លោកMugabeនោះទេ។ សាក្សីបាននិយាយថា មានការបាញ់ប្រហារនៅវិមានប្រធានាធិបតី និង ភូមិគ្រះរបស់លោក Mbugabe។
ស្ថានទូតលោកខាងលិច នៅរដ្ឋធានីHarare មិនបានថ្កោលទោសរដ្ឋប្រហារនេះទេ តែបានសន្យាតាមដានស្ថានការណ៍នេះ យ៉ាងខ្លាំង។
លោក Mugabe បានដឹកនាំប្រទេសក្រីក្រមួយនេះ៣៧ឆ្នាំមកហើយ ។លោកជាមេដឹកនាំចាស់ជាងគេបំផុតនៅលើពិភពលោក៕
The post ហ្សិមបាវេ៖រដ្ឋប្រហារទម្លាក់មេដឹកនាំអាយុ៩៣ចាប់ផ្ដើមហើយករណីបែកបាក់ផ្ទៃក្នុងបក្ស appeared first on WMC.