ភ្នំពេញ៖ ប្រធានគណបក្សអំណាចខ្មែរ លោក សួន សេរីរដ្ឋា និងលោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ បានចេញមុខអំពាវនាវកុំឲ្យអ្នកនយោបាយលូកដៃក្នុងរឿងអាស្រូវស្នេហារបស់លោក កឹម សុខា និងអ្នកនាង ខុម ចាន់ដារាទី ហៅ ស្រីមុំ។
លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ និង លោក សួន សេរីរដ្ឋា ប្រធានគណបក្សអំណាចខ្មែរ
ការអំពាវនាវរបស់ប្រធានគណបក្សទាំងពីរនេះ ធ្វើឡើងបន្ទាប់ពីគណបក្សចំនួនបីបានបង្ហាញវត្តមាននៅក្នុវេទិកា «តើលោក កឹម សុខា គួរលាលែងពីតំណែងឬទេ?» ដែលរៀបចំដោយលោក ស្រី ចំរើន និងកញ្ញា ធី សូវណ្ណថា កាលពីថ្ងៃទី ១៣ ឧសភា កន្លងទៅ ។ ប្រធានគណបក្សនយោបាយទាំងពីរបានលើឡើងថា រឿងរ៉ាវស្នេហា របស់លោក កឹម សុខា ជារឿងបុគ្គលមិនមែនជារឿងនយោបាយនោះទេ។
«ដូចនេះ អ្នកនយោបាយមិនត្រូវលូកដៃនោះឡើយ ហើយករណី លោក កឹម សុខា ទុកឲ្យគណបក្សសង្គ្រោះជាតិដោះស្រាយ »៕
